Verkefnisstjóri við mat á erlendum umsóknum og námi

Laust er til umsóknar, tímabundið til eins árs, fullt starf verkefnisstjóra við matsskrifstofu ENIC/NARIC við Háskóla Íslands. ENIC/NARIC skrifstofan sinnir akademísku mati á erlendu námi ásamt því að afgreiða umsóknir um leyfisbréf í lögbundnum iðngreinum. Auk þess veitir skrifstofan einstaklingum, háskólum og stofnunum upplýsingar um prófgráður og menntakerfi.

• Mat á erlendum umsóknum og prófskírteinum

• Mótun inntökuskilyrða Háskóla Íslands fyrir erlenda umsækjendur

• Afgreiðsla mála fyrir ENIC/NARIC upplýsingaskrifstofu

• Miðlun upplýsingatil stofnana, háskóla og einstaklinga um mat á erlendu námi

• Mótun verklags við móttöku gagna, skráningu, skjölun og afgreiðslu umsókna í samvinnu við nemendaskrá og fræðasvið háskólans

• Þátttaka í þróun heimasíðu og umsóknakerfa ENIC/NARIC

• Afgreiðsla umsókna um starfsleyfi í lögbundnum iðngreinum í samstarfi við atvinnuvegaráðuneytið og fagaðila

• Meistarapróf sem nýtist í starfi

• Reynsla af sambærilegum verkefnum er kostur

• Reynsla af starfi í háskólaumhverfi er kostur

• Reynsla af erlendum menntakerfum er kostur

• Góð tölvufærni

• Góð enskukunnátta í töluðu og rituðu máli

• Íslenskukunnátta er kostur

• Önnur tungumálaþekking er kostur

• Góð samstarfs- og samskiptahæfni

• Sjálfstæð og skipulögð vinnubrögð

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um tvo umsagnaraðila þar sem fram koma tengsl við umsækjanda, netfang og símanúmer

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli ámálstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir