Teymisstjóri skylduskila hjá Landsbókasafni Íslands - Háskólabókasafni

Landsbókasafn Íslands - Háskólabókasafn óskar eftir að ráða teymisstjóra í fullt starf í skylduskil á aðfangasviði safnsins. Skylduskil sjá um móttöku og innheimtu skilaskyldrar útgáfu og sjá til þess að efnið sé skráð og varðveitt til frambúðar á Landsbókasafni Íslands - Háskólabókasafni. Markmið skylduskila er að tryggja að útgáfustarfsemi samtímans varðveitist sem menningararfur framtíðar.

Við leitum að einstaklingi sem hefur áhuga og þekkingu á bókmenningu og útgáfustarfsemi á Íslandi. Við bjóðum upp á fjölbreytt og spennandi verkefni, sveigjanlegt starfsumhverfi og tækifæri til að þróast og þroskast í starfi. Í starfinu felast mikil samskipti og samvinna við önnur svið safnsins og við hagsmunaaðila utan safnsins. Teymisstjóri skylduskila heyrir undir sviðsstjóra aðfangasviðs.

• Þróar, skipuleggur og samræmir skylduskil til safnsins og innleiðir nýjungar

• Verkefnastjórn teymis skylduskila, virkjar starfsfólk hópsins og hvetur til góðra verka

• Rækir samband við útgefendur og aðra aðila sem koma að skilaskyldri útgáfu

• Miðlar upplýsingum til starfsfólks og upplýsir sviðsstjóra um viðfangsefni hverju sinni

• Yfirumsjón með innheimtu, móttöku og aðfangaskráningu skilaskylds efnis, óháð útgáfuformi

• Regluleg upplýsingagjöf og ráðgjöf til skilaskyldra aðila

• Úrvinnsla skilaskylds efnis og gjafa sem safninu berast

• Úrvinnsla og framsetning tölulegra gagna

• Umsjón með vinnu við rafræna varðveislusafnið Rafhlaðan, tekur þátt í vefsöfnun íslenskra léna

• Meistarapróf í bókasafns- og upplýsingafræði eða önnur sambærileg háskólamenntun sem nýtist í starfi

• Hagnýt starfsreynsla

• Þekking á íslenskri útgáfustarfsemi er æskileg

• Reynsla af gagnasöfnum og bókasafnskerfinu Ölmu er kostur

• Frumkvæði, metnaður og sjálfstæð vinnubrögð

• Skipulagshæfileikar og mikil samskiptafærni

• Mjög góð tölvufærni og tæknilæsi

• Góð íslensku- og enskukunnátta í ræðu og riti

• Reynsla af stjórnun er kostur

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni viðkomandi í starfið. Umsóknarfrestur er til og með 1. september 2026. Öllum umsóknum verður svarað þegar ákvörðun um ráðningu hefur verið tekin. Við ráðningar er tekið mið af jafnréttisáætlun safnsins.

Landsbókasafn Íslands - Háskólabókasafn áskilur sér rétt til að hafna öllum umsóknum.

Landsbókasafn Íslands - Háskólabókasafn er þjóðbókasafn og bókasafn Háskóla Íslands. Safnið er í forystu um öflun, varðveislu og miðlun upplýsinga og eflir þannig menningu, rannsóknir og nýsköpun.

Landsbókasafn Íslands - Háskólabókasafn | Þjóðarbókhlöðunni | s. 525-5600 | www.landsbokasafn.is