Skrifstofa Alþingis - lögfræðingar í nefndadeild

Viltu stuðla að vandaðri lagasetningu og virku þingeftirliti? Þá erum við með rétta starfið fyrir þig.

Við leitum að lögfræðingum til starfa í nefndadeild á skrifstofu Alþingis. Þau starfa fyrir fastanefndir þingsins, í hringiðu stjórnmálanna, veita lögfræðilega ráðgjöf og sjá um faglega yfirferð mála sem koma til meðferðar hjá fastanefndum. Í starfinu felst jafnframt skipulagning nefndastarfsins og samskipti við stjórnvöld og aðila utan þings fyrir fastanefndir. Starfið er fjölbreytt og verkefnin krefjandi og skemmtileg.

• Lögfræðileg ráðgjöf og fagleg aðstoð við fastanefndir og þingmenn

• Yfirferð lagafrumvarpa og annarra þingmála

• Gerð lögskýringargagna, svo sem nefndarálita og breytingartillagna

• Skipulagning og umsjón með starfi fastanefnda, m.a. samskipti við stjórnvöld og aðila utan þings

• Þátttaka í umbótastarfi og þróun verklags

• Grunn- og meistarapróf í lögfræði (eða kandídatspróf). Viðbótarnám eða lögmannsréttindi eru kostur

• Mjög góð þekking á störfum löggjafans, s.s. þekking á störfum og verkefnum fastanefnda

• Marktæk reynsla af lagasetningarferlinu, s.s. gerð lögskýringargagna, lagafrumvarpa eða lagabreytinga

• Frumkvæði, sjálfstæði og skipulagshæfni

• Faglegur metnaður, jákvæðni og framúrskarandi samskiptahæfni

• Mjög gott vald á íslensku og ensku og færni til að tjá sig í ræðu og riti

Laun samkvæmt gildandi kjarasamningi sem forseti Alþingis og Félag starfsmanna Alþingis hafa gert.

Umsækjendur eru beðnir að sækja um starfið í ráðningarkerfi Orra. Umsókn skal fylgja ferilskrá, kynningarbréf þar sem umsækjandi rökstyður hæfni sína til að gegna starfinu, dæmi um lögskýringargögn, lagafrumvörp, lagabreytingar eða sambærilegt sem umsækjandi hefur komið að skrifum á, staðfesting á prófgráðum og upplýsingar um tvo umsagnaraðila. Umsóknir gilda í sex mánuði frá því að umsóknarfrestur rennur út. Til stendur að ráða í tvær stöður. Öllum umsóknum verður svarað þegar ákvörðun um ráðningu liggur fyrir.

Tekið er mið af jafnréttisáætlun skrifstofu Alþingis við ráðningar. Starfið hentar öllum kynjum og áhugasöm eru hvött til að sækja um. Gildi skrifstofunnar eru fagmennska, virðing og framsækni. Nánari upplýsingar um starfsemi Alþingis og skrifstofu þingsins er að finna á vef Alþingis.