Heilsugæsluritari - Heyrnar og talmeinastöð HH

Heilsugæsla höfuðborgarsvæðisins óskar eftir að ráða heilsugæsluritara til starfa hjá Heyrnar og talmeinastöð (HT). Um er að ræða 100% ótímabundið starf og æskilegt er að viðkomandi geti hafið störf sem fyrst eða eftir nánara samkomulagi.

Heyrnar og talmeinastöð HH er miðstöð þekkingar í heyrnar og talmeinum á Íslandi sem veitir þjónustu á landsvísu. Hlutverk HT er að þjóna þeim sem eru heyrnarskertir, heyrnarlausir eða með mál og talmein.

Við leitum af öflugum heilsugæsluritara til starfa í fjölbreytt verkefni. Starfið felur meðal annars í sér almenn skrifstofustörf, skráningu gagna, umsjón með tímabókunum skjólstæðinga, skjalavörslu og samskipti við lækna og aðra samstarfsaðila. Starfið krefst góðrar skipulagshæfni, nákvæmni og þjónustulundar.

• Skráir gögn s.s. tilvísanir og vottorð í sjúkraskrárkerfi

• Flokkun á pósti og rafrænum sendingum ásamt skönnun rannsóknarniðurstaðna, læknabréfa, frágangi gagna o.fl.

• Umsjón með tímafjölda/dagskrá í móttöku

• Aðstoðar við móttöku nýrra starfsmanna

• Almenn upplýsingagjöf um starfsemi stöðvarinnar

• Símsvörun, bókanir og móttaka skjólstæðinga

• Meðhöndlun heilbrigðis- og persónuupplýsinga

• Aðstoðar móttökuritara í móttöku

• Ýmis önnur tilfallandi störf

• Heilbrigðisritaramenntun og/eða nám sem nýtist í starfi.

• Reynsla af ritarastarfi æskileg.

• Reynsla af Sögukerfi kostur

• Hæfni og lipurð í mannlegum samskiptum

• Mjög góð skipulagshæfni, sjálfstæði og frumkvæði

• Mjög góð samskiptafærni og hæfni til samstarfs við ólíka fagaðila

• Góð almenn tölvukunnátta

• Góð íslenskukunnátta, bæði rituð og töluð

• Góð almenn enskukunnátta er æskileg

• Góð færni í a.m.k. einu norðurlandamáli æskileg (Dan, Sæn, Nor).

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ítarleg náms- og starfsferilsskrá. Jafnframt skal leggja fram leyfisbréf og staðfestar upplýsingar um menntun ásamt hreinu sakavottorði. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Katli Berg Magnússyni, framkvæmdastjóra mannauðs Heilsugæslu höfuðborgarsvæðisins, Álfabakka 16, 109 Reykjavík. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.