Sérhæfður starfsmaður við krufningar á meinafræðideild

Laust er til umsóknar starf sérhæfðs starfsmanns á meinafræðideild Landspítala frá 1. desember 2026, eða samkvæmt samkomulagi. Starfshlutfall er 100%, eða eftir nánara samkomulagi. Við leitum eftir lausnamiðuðum einstaklingi sem sýnir frumkvæði og er tilbúinn að vinna í krefjandi starfsumhverfi með frábæru starfsfólki.

Á meinafræðideildinni eru starfandi rúmlega 70 einstaklingar, þar á meðal læknar, lífeindafræðingar, náttúrufræðingar, skrifstofumenn og sérhæft starfsfólk. Þar fara meðal annars fram sjúkdómsgreiningar, rannsóknir, ráðgjöf og kennsla heilbrigðisstétta í vefjarannsóknum.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Aðstoð við krufningar og almenn vinna í krufningarsal

• Úrskurður og meðhöndlun vefjasýna á rannsóknarstofu meinafræðinnar

• Aðstoð við lækna og lífeindafræðinga á rannsóknarstofu meinafræðinnar

• Stúdentspróf skilyrði og önnur heilbrigðismenntun kostur

• Reynsla af störfum á rannsóknastofu er kostur

• Nákvæmni í vinnubrögðum

• Góð skipulagshæfni og góð samskiptahæfni

• Góð íslenskukunnátta skilyrði

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, sérhæfður starfsmaður, rannsóknarvinna, teymisvinna

Tungumálahæfni: íslenska 3/5

Staðsetning: Hringbraut, 101 Reykjavík