Sérfræðingur í fíkniefnagreiningu Tækideildar

Lögreglan á höfuðborgarsvæðinu (LRH) leitar eftir metnaðarfullum og dugmiklum einstaklingi í starf sérfræðings í fíkniefnagreiningu Tæknideildar.

Tæknideild lögreglunnar á höfuðborgarsvæðinu er vettvangs- og réttarrannsóknadeild sem sinnir fjölbreyttum rannsóknum fyrir öll lögregluembætti landsins þegar alvarlegri afbrot og slys eiga sér stað.

Lögreglan á höfuðborgarsvæðinu er nútímaleg og framsækin þjónustustofnun sem er til staðar fyrir alla alltaf. Megin áhersla er lögð á jafnrétti, starfsánægju, heilbrigðan starfsanda, traust og gagnsæi í samskiptum og að starfsfólk búi yfir þekkingu og hæfni til að takast á við fjölbreytileg verkefni. Starfsfólk embættisins er um 500 á fjórum megin starfsstöðvum.

Gildi embættis lögreglustjórans á höfuðborgarsvæðinu eru TRAUST, FAGMENNSKA og ÖRYGGI.

• Rannsóknir á ávana og fíkniefnum, í því fellst m.a. greining, vigtun og skráning.

• Samskipti við innlendar og erlendar rannsóknarstofur vegna framhaldsrannsókna.

• Samskipti við lögreglumenn og ákærendur vegna mála sem eru til rannsóknar.

• Skýrslugerð vegna rannsókna og vitnisburður fyrir dómi þegar þörf er á.

• Fylgjast með breytingum og samsetningu haldlagðra fíkniefna.

• Þátttaka í umbótaverkefnum Tæknideildar og þróun verkferla.

• Tryggja fagleg gæði rannsókna og að málshraði sé í samræmi við markmið.

• Kynna starfsemina innan og utan lögreglu þegar þess er þörf.

• Ber ábyrgð á meðhöndlun og frágangi efna á meðan þau eru í vörslu Tæknideildar.

• B.Sc. í efnafræði, lyfjafræði, lífeindafræði eða sambærileg menntun. M.Sc. sem nýtist í starfi er kostur.

• Reynsla af störfum á rannsóknarstofu er kostur.

• Þekking og reynsla af rannsóknum og meðhöndlun hættulegra efna er kostur.

• Þekking og reynsla á gæðamálum s.s. gerð og viðhaldi verklagsreglna er kostur.

• Þekking og reynsla af öðrum tæknirannsóknum er kostur.

• Reynsla af störfum fyrir lögreglu er kostur.

• Mjög góð samskiptahæfni, þjónustulund, jákvæðni og sveigjanleiki.

• Skipulagshæfni, nákvæmni, frumkvæði, sjálfstæði í starfi og lausnamiðuð vinnubrögð.

Með umsókn skal fylgja greinargóð ferilskrá yfir menntun og fyrri störf, staðfesting á námi og kynningarbréf þar sem umsækjandi gerir grein fyrir ástæðu umsóknarinnar og rökstyður hæfni sína í starfið.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Vakin er athygli á því að engan má ráða til starfa hjá lögreglu sem hlotið hefur fangelsisdóm fyrir refsiverðan verknað sem framinn var eftir hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu sbr. 28. gr. a. lögreglulaga nr. 90/1996.

Umsóknir sem berast eftir að umsóknarfresti lýkur verða ekki teknar til greina. Öllum umsækjendum verður svarað þegar ákvörðun um ráðningu hefur verið tekin.