Kennari í ensku við Framhaldsskólann í Mosfellsbæ

Framhaldsskólinn í Mosfellsbæ leitar eftir ensku kennara í afleysingu frá 15.okt til áramóta. Um er að ræða 100% starfshlutfall.

Unnið er samkvæmt stefnu og hugmyndafræði skólans um leiðsagnarnám þar sem notaðar eru fjölbreyttar og verkefnamiðaðar kennsluaðferðir.

Kennari ber ábyrgð á undirbúningi kennslu, kennslu og námsmati í ensku.

Tekur þátt í faglegu samstarfi innan greinar jafn sem á þverfaglegum grunni.

Tekur þátt í sameiginlegum verkefnum, situr reglulega kennarafundi og sinnir sameiginlegri endurmenntun.

Háskólamenntun í ensku auk kennsluréttinda.

Reynsla eða hæfni til að starfa við verkefnamiðað leiðsagnarnám.

Góð tölvukunnátta er skilyrði og reynsla í notkun Office365, Innu eða Canvas er kostur.

Jákvæðni og áhugi á að starfa í skapandi og metnaðarfullu umhverfi.

Lipurð í mannlegum samskiptum.

Stundvísi og áreiðanleiki.

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Umsókn skal fylgja afrit af prófskírteinum og leyfisbréfi, ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir því hvernig umsækjandi uppfyllir hæfnikröfur. Umsækjendur þurfa að skila inn hreinu sakavottorði skv. lögum nr. 92/2008. Umsóknir geta gilt í sex mánuði frá því að umsóknarfrestur rennur út nema að umsækjandi ákveði annað.

Í samræmi við jafnréttisáætlun skólans er áhugasamt fólk af öllum kynjum hvatt til að sækja um starfið. Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ráðning liggur fyrir.

Frekari upplýsingar um skólann og stefnur má finna á vef skólans.