Þjónustufulltrúi

Laus er til umsóknar staða þjónustufulltrúa við embættið á aðalskrifstofunni á Blönduósi. Æskilegt er að umsækjendur geti hafið störf 1. desember n.k. eða sem næst því. Ráðning er ótímabundin með 6 mánaða reynslutíma.

Starf þjónustufulltrúa felst í fjölbreyttum verkefnum sem snúa m.a. að innheimtu sekta, sakarkostnaðar, meðlags og annarri innheimtu fyrir ýmsar stofnanir ríkisins, ásamt því að veita faglega leiðbeiningu og upplýsingar í síma og tölvupósti.

• Samskipti við viðskiptavini og hagsmunaaðila, m.a. í síma og tölvupósti

• Greining og úrvinnsla erinda viðskiptavina

• Úthringingar

• Vanskilainnheimta

• Gerð greiðsluáætlana

• Önnur tilfallandi verkefni sem sinnt er hjá embættinu.

• Stúdentspróf (3. þrep íslenska hæfnirammans) eða reynsla í sambærilegu starfi

• Önnur menntun sem nýtist í starfi er kostur

• Mjög gott vald á íslensku og ensku og færni til að tjá sig í ræðu og riti

• Reynsla af innheimtustörfum er kostur, svo og önnur reynsla sem nýtist í starfi

• Gott vald á upplýsingatækni og hæfni til að tileinka sér nýjungar á því sviði

Nauðsynlegt er að umsækjendur búi yfir ríkri samstarfs- og skipulagshæfni, nákvæmni og ögun í vinnubrögðum og getu til að vinna undir álagi. Einnig er krafa um að umsækjendur sýni frumkvæði, sjálfstæði, jákvæðni og metnað í starfi og hafi hæfni til að leiðbeina og miðla upplýsingum. Þess er vænst að umsækjendur hafi reynslu í fyrri störfum þar sem reynt hefur á þessa eiginleika.

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn um starfið skal skila rafrænt í gegnum ráðningarkerfi ríkisins og skulu fylgja:

• Starfsferilskrá.

• Upplýsingar um meðmælendur.

• Stutt kynningarbréf þar sem gerð er grein fyrir ástæðu umsóknar og hæfni umsækjenda í starfið.

• Afrit af prófskírteinum ef við á.

Þar sem verkefni embættisins tengjast náið störfum lögreglu er gert ráð fyrir að umsækjendur veiti embættinu, með skýrum hætti í umsókn sinni, heimild til uppflettingar í málaskrárkerfi lögreglu, LÖKE.

Umsækjendur eru vinsamlegast beðnir um að vanda umsóknir sínar. Við mat á umsóknum verður horft til þess að umsækjandi falli sem best að þörfum starfsstöðvar og embættisins í heild.

Öllum umsóknum verður svarað að ráðningu lokinni.

Einstaklingar óháð kyni eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin. Athygli er vakin á því að umsóknir munu gilda í 6 mánuði frá því að umsóknarfrestur rennur út með vísan til 3. tl. 2. mgr. 2. gr. reglna nr. 464/1996 um auglýsingar á lausum störfum, með síðari breytingum, sbr. 2. mgr. 7. gr. laga nr. 70/1996 um réttindi og skyldur starfsmanna ríkisins. Þann 1. janúar 2027 tekur nýtt sameinað sýslumannsembætti til starfa. Starfsfólk núverandi embætta verður starfsfólk hjá hinu nýja embætti.