Félagsfræðikennari í Menntaskólanum á Akureyri

Menntaskólinn á Akureyri auglýsir eftir kennara í afleysingu í félagsfræði á vorönn 2027. MA er framsækinn skóli með langa sögu og býr nemendur undir nám í háskóla og líf og starf í lýðræðisþjóðfélagi í sífelldri þróun. Skólinn starfar undir kjörorðunum virðing - bjartsýni - seigla - árangur. Í MA er öflugt þróunarstarf og góður starfsandi. Ef þú vilt takast á við krefjandi kennarastarf í metnaðarfullum skóla er tækifærið hér.

Kennsla og námsmat, faglegt samstarf, umsjón með nemendum og starfsþróun.

Umsækjendur þurfa að hafa háskólamenntun í viðkomandi grein og leyfisbréf.

Leitað er að einstaklingum sem eru skapandi í starfi, færir í samskiptum, sýna frumkvæði og eru tilbúnir til að taka þátt í þróun kennslu og náms samkvæmt skólasýn MA.

Laun eru samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Umsækjendur þurfa að hafa hreint sakavottorð skv. 4. mgr. 8. gr. laga framhaldsskóla nr.92/2008 og þarf nýtt sakavottorð að fylgja umsókn.

Ráðið verður í stöðuna frá 1. janúar 2027 - 31. maí 2027.

Öllum umsóknum verður svarað þegar ákvörðun um ráðningu hefur verið tekin.