Hjúkrunarfræðingar á barnadeild Barnaspítala Hringsins

Langar þig að starfa í fjölbreyttu, gefandi og faglega metnaðarfullu umhverfi þar sem börn og fjölskyldur þeirra eru í forgrunni?

Framundan eru ný og spennandi verkefni á Barnadeild Barnaspítala Hringsins og af því tilefni viljum við fjölga í okkar öfluga og samhenta hópi. Við leitum að hjúkrunarfræðingum sem hafa áhuga á barna- og fjölskylduhjúkrun og vilja taka þátt í áframhaldandi þróun og uppbyggingu þjónustunnar með okkur.

Við bjóðum jafnt velkomna reynda hjúkrunarfræðinga sem og nýútskrifaða sem vilja öðlast dýrmæta reynslu og byggja upp sérþekkingu í barnahjúkrun. Starfshlutfall er 50 - 100%, unnið er í vaktavinnu og störfin eru laus frá 01.12.2026 eða eftir samkomulagi.

Á Barnadeildinni tekur á móti þér öflugur og metnaðarfullur hópur fagfólks. Við leggjum áherslu á góða einstaklingshæfða aðlögun undir leiðsögn reyndra hjúkrunarfræðinga, gott samstarf og stuðning í starfi. Starfsumhverfið er líflegt og fjölbreytt og fjölmörg tækifæri eru til að efla þekkingu í barnahjúkrun, þróa faglega færni og styrkja sjálfstæð vinnubrögð.

Deildin sinnir breiðum hópi barna frá fæðingu að 18 ára aldri og fjölskyldum þeirra. Þar er veitt fjölbreytt heilbrigðisþjónusta með hugmyndafræði fjölskylduhjúkrunar að leiðarljósi. Áhersla er lögð á öryggismenningu og heilnæmt starfsumhverfi þar sem fagfólk býr við sálrænt öryggi og fær tækifæri til að vaxa og þróast í starfi.

Við erum á spennandi tímamótum og leitum að samstarfsfólki sem vill taka þátt í þeirri vegferð með okkur.

• Ábyrgð á hjúkrun, ráðgjöf og stuðningur til skjólstæðinga deildarinnar

• Skráning hjúkrunar í samræmi við reglur spítalans

• Þátttaka í þverfaglegri teymisvinnu

• Virkur þátttakandi í þróun og uppbyggingu verkefna á deild

• Íslenskt hjúkrunarleyfi

• Framúrskarandi færni í samskiptum og teymisvinnu

• Áhugi á barna- og fjölskylduhjúkrun

• Hæfni og geta til að starfa í teymi

• Faglegur metnaður og sjálfstæð vinnubrögð

• Góð íslensku- og enskukunnátta

• Hreint sakavottorð

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumálahæfni: íslenska 4/5, enska 4/5

Staðsetning: Hringbraut, 101 Reykjavík