Umsjónarmaður hestahalds og hesthúsa

Laust er til umsóknar fullt starf umsjónarmanns hestahalds og hesthúsa við Hestafræðideild Háskóla Íslands á Hólum. Starfsstöð er við Háskóla Íslands á Hólum. Starfið er unnið á dagvinnutíma, auk þess sem gert er ráð fyrir vinnu þriðju hverja helgi. Einnig er skipulögð bakvakt.

• Umsjón með daglegum rekstri skólabús, hesthúsa og bújarðar þ.m.t. þrif og gegningar

• Ábyrgð á hirðingu, heilbrigði og velferð hesta skólabúsins

• Skipulagning daglegra verkefna og leiðsögn fyrir aðstoðarfólk og nemendur, meðal annars um hirðingu hrossa og umgengni

• Umsjón með nýtingu lands, beitarstýringu, heybirgðum og viðhaldi girðinga

• Umsjón með umhirðu og viðhaldi hesthúsa, vinnuvéla, tækja og búnaðar ásamt eftirfylgni með öryggisreglum

• Aðstoð við rannsóknir og kennslu innan deildar og umsjón með aðföngum og innkaupum í samráði við næsta yfirmann

• Menntun í búfræði, búvísindum, hestafræði eða iðnmenntun sem nýtist í starfi

• Reynsla af búrekstri og umhirðu hesta

• Reynsla af landbúnaðarstarfi, starfi við smíðar eða af sambærilegum verkefnum er kostur

• Góð íslensku- og enskukunnátta

• Almenn tölvukunnátta

• Skipulagshæfni og hæfni í samvinnu og mannlegum samskiptum

• Ökuréttindi, aukin ökuréttindi og reynsla af notkun landbúnaðartækja er kostur

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir