Launa- og rekstrarfulltrúi

Barna- og fjölskyldustofa leitar að metnaðarfullum og nákvæmum einstaklingi í stöðu launa- og rekstarfulltrúa. BOFS er fjölbreyttur og lifandi vinnustaður sem sinnir mikilvægum verkefnum í þágu velferðar barna og fjölskyldna um allt land.

Starfið heyrir undir framkvæmdastjóra fjármála- og mannauðssviðs og verður viðkomandi einn af þremur launa- og rekstrarfulltrúum hjá stofnuninni. Starfið felur meðal annars í sér launavinnslu fyrir bæði dagvinnu- og vaktavinnufólk og krefst því góðrar þekkingar á ólíkum launa- og kjaratengdum þáttum. Um 100% starf er að ræða með fasta starfsstöð í Borgartúni.

• Launavinnsla.

• Bókhald og reikningagerð.

• Bókun og frágangur fylgiskjala vegna innkaupakorta.

• Bókhaldsmerkingar og samþykktir reikninga.

• Innkaup.

• Samskipti við starfsfólk og viðskiptamenn

• Önnur tilfallandi verkefni á fjármála- og mannauðssviði.

• Menntun sem nýtist í starfi.

• Reynsla af sambærilegu starfi.

• Reynsla af launavinnslu vaktavinnufólks er kostur.

• Góð íslenskukunnátta.

• Góð hæfni í mannlegum samskiptum.

• Sveigjanleiki og hæfni til að aðlagast breytingum.

• Frumkvæði og áhugi á að tileinka sér nýjar lausnir og aðferðir og þróa og bæta verkferla.

• Hæfni til að sjá tækifæri til einföldunar, hagræðingar og aukinnar sjálfvirkni.

• Nákvæmni, skipulagshæfni og sjálfstæð vinnubrögð.

• Jákvætt viðhorf og þjónustulund.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Við úrvinnslu umsókna um starfið gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofnunin aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur öll til að sækja um, óháð kyni.

Með umsókn skal fylgja ítarleg starfsferilskrá. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.