Sjúkraþjálfari í stoðkerfismóttöku - Heilsugæslan Hamraborg

Heilsugæslan Hamraborg leitar að metnaðarfullum og áhugasömum sjúkraþjálfara til starfa við stoðkerfismóttöku. Í starfinu felst að meta, greina og veita ráðgjöf vegna stoðkerfisvanda skjólstæðinga. Sjúkraþjálfari gegnir jafnframt lykilhlutverki í að beina skjólstæðingum í rétta þjónustu og stuðla að skjótari bata.

Um er að ræða 50% tímabundið starf í eitt ár og er æskilegt að viðkomandi geti hafið 1. janúar nk. eða eftir nánara samkomulagi.

Á Heilsugæslunni Hamraborg ríkir frábær starfsandi þar sem áhersla er lögð á góða samvinnu, starfsánægju og vellíðan í starfi. Þar að auki er staðsetningin stöðvarinnar afar góð með greiðum samgöngum úr öllum áttum.

Nánari upplýsingar um starfsemi stöðvarinnar má finna á vef Heilsugæsla höfuðborgarsvæðisins

• Metur, greinir og veitir ráðgjöf varðandi stoðkerfisvanda skjólstæðinga

• Skráir og fylgir eftir meðferð skjólstæðinga

• Nýtir faglega þekkingu til að forgangsraða og leysa viðfangsefni

• Veitir fræðslu til starfsfólks heilsugæslunnar

• Leiðbeinir samstarfsfólki

• Löggilt sjúkraþjálfarapróf

• Þriggja ára starfsreynsla sem sjúkraþjálfari æskileg

• Þekking á áhugahvetjandi samtalstækni

• Mikil hæfni í mannlegum samskiptum

• Góð íslensku og enskukunnátta

Laun eru samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Gögn sem ekki er hægt að senda rafrænt skulu berast Katli Berg Magnússyni, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt til þess að óska eftir hreinu sakavottorði.

Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.