Sjúkraliði á bráðaþjónustu kvennadeilda

Laust er til umsóknar starf sjúkraliða á meðgönguvernd, fósturgreiningu og bráðaþjónustu kvennadeilda. Deildin sinnir konum við eftirlit og umönnun vegna áhættuþátta á meðgöngu og einnig með bráð vandamál sem koma upp á meðgöngu eða eftir fæðingu. Deildin sinnir jafnframt konum í upphafi og aðdraganda fæðingar ásamt konum með bráð vandamál vegna kvensjúkdóma eða einkenna frá kvenlíffærum. Bráðaþjónustan er staðsett á göngudeild mæðraverndar og fósturgreiningu á kvenna- og barnaþjónustusviði Landspítala.

Starfslutfall er 40-50%, um er að ræða að dag-, kvöld- og helgarvaktir. Ráðið verður í starfið frá 1. október 2026 eða eftir samkomulagi.

• Móttaka, umönnun og eftirlit skjólstæðinga í samvinnu við aðra fagaðila

• Aðstoð við skoðanir

• Umsjón og frágangur sýna

• Ábyrgð og umsjón með aðbúnaði á skoðunarstofum, m.a. frágangur, áfyllingar og birgðaumsjón

• Þátttaka í faglegri þróun umönnunar sem veitt er á deildinni

• Virk þátttaka í teymis- og umbótastarfi

• Íslenskt sjúkraliðaleyfi

• Faglegur metnaður, frumkvæði og ábyrgð í starfi

• Sjálfstæði í vinnubrögðum og hæfni til að vinna í teymi

• Góð samskiptahæfni, jákvætt viðmót og sveigjanleiki

• Áhugi á bráðaþjónustu

• Hæfni til að sinna almennum og sérhæfðari verkefnum sjúkraliða

• Góð íslensku- og enskukunnátta

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, sjúkraliði, hjúkrun, teymisvinna

Tungumálahæfni: íslenska 3/5, enska 3/5

Staðsetning: Hringbraut, 101 Reykjavík