Íþróttafræðingur í Batasetri geðþjónustu

Laust er til umsóknar starf í þróttafræðings í Batasetri geðþjónustu Landspítala. Markmið starfsins er að stuðla að líkamlegu heilbrigði og virkni skjólstæðinga innan geðþjónustu Landspítala

Leitað er að kraftmiklum íþróttafræðingi með góða samskiptafærni. Viðkomandi mun taka virkan þátt í uppbyggingu á heilsueflandi þjónustu og efla notendamiðaða nálgun í nánu samstarfi við annað starfsfólk Bataseturs og næsta yfirmanns. Íþróttamenntað starfsfólk í geðþjónustu vinnur saman þvert á deildir og teymi innan þjónustunnar.

Batasetur geðþjónustu er staðsett bæði við Hringbraut og á Kleppi. Þar er boðið upp á virkniúrræði og leiðir til að auka almenna vellíðan og lífsgæði fyrir notendur geðþjónustu spítalans. Aukin áhersla er á stuðning við heilbrigðan lífsstíl fyrir notendur á legudeildum. Rík áhersla er lögð á starfsþróun og er meðal annars boðið upp á þjálfun í áhugahvetjandi samtali sem og handleiðslu.

Starfshlutfall er 100% og veitist starfið frá 1. desember 2026 eða eftir nánara samkomulagi. Næsti yfirmaður er forstöðuhjúkrunarfræðingur kjarna 1 í geðþjónustu.

• Styðja og halda utan um virkni einstaklinga í þjónustu

• Umsjá og yfirsýn yfir líkamlega uppvinnslu: Mælingar á þoli og styrk einstaklinga í þjónustu

• Samskipti, hvatning, leiðbeiningar og víðtækur stuðningur við einstaklinga í þjónustu

• Virk þátttaka í þverfaglegu samstarfi

• Þátttaka í umbóta-, gæða- og vísindastarfi

• Stuðlar að liðsheild og menningu sálræns öryggis

• Háskólamenntun á sviði íþróttafræða

• Reynsla af starfi í geðþjónustu Landspítala er kostur

• Leiðtogahæfni og frumkvæði

• Mjög góð samskiptahæfni, skipulagsfærni og áreiðanleiki

• Góð íslensku- og enskukunnátta er skilyrði

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, íþróttafræðingur, teymisvinna,

Tungumálahæfni: íslenska 4/5, enska 4/5

Staðsetning: Hringbraut, 101 Reykjavík