Hjúkrunarfræðingur á göngudeild innkirtlasjúkdóma

Göngudeild innkirtlasjúkdóma leitar að metnaðarfullum hjúkrunarfræðingi til starfa í öflugu innkirtlateymi með megináherslu á hjúkrun og eftirfylgd einstaklinga með sykursýki.

Um er að ræða fjölbreytt og krefjandi starf þar sem tækifæri gefst til að taka virkan þátt í þróun þjónustu og veita sérhæfða, gagnreynda hjúkrun. Starfið hentar hjúkrunarfræðingi sem býr yfir framúrskarandi samskiptahæfni, sýnir frumkvæði og sjálfstæði í starfi og hefur áhuga á að vinna í þverfaglegu teymi með skjólstæðinginn í öndvegi.

Göngudeildin er staðsett í nýuppgerðu húsnæði á Eiríksstöðum, Eiríksgötu 5. Þar starfar samheldið teymi heilbrigðisstarfsfólks sem leggur áherslu á fagmennsku, nýsköpun og framúrskarandi þjónustu. Unnið er samkvæmt gagnreyndri þekkingu með aukinni áherslu á tæknilausnir og fjarheilbrigðisþjónustu. Nýtt starfsfólk fær vandaða aðlögun og stuðning frá reyndum hjúkrunarfræðingum deildarinnar.

Við bjóðum

• Áhugavert og krefjandi starf á sérhæfðri göngudeild

• Tækifæri til faglegrar þróunar og símenntunar

• Öflugt og styðjandi starfsumhverfi

• Vandaða aðlögun undir leiðsögn reyndra samstarfsmanna

• Virka þátttöku í þróun og framtíðarsýn þjónustunnar

Þeir sem hafa áhuga á að starfa í framsæknu starfsumhverfi þar sem fagmennska, gæði og vellíðan skjólstæðinga eru í forgrunni eru hvattir til að sækja um.

Starfið er laust nú þegar eða samkvæmt samkomulagi.

• Veita sérhæfða hjúkrun einstaklingum með sykursýki

• Sinna eftirliti, ráðgjöf, fræðslu og stuðningi við skjólstæðinga og aðstandendur

• Taka virkan þátt í þverfaglegri teymisvinnu

• Veita ráðgjöf og stuðning til annarra heilbrigðisstarfsmanna

• Taka þátt í þróun þjónustu og gæðastarfi deildarinnar

• Önnur verkefni samkvæmt samkomulagi við deildarstjóra

• Gilt íslenskt hjúkrunarleyfi

• Áhugi á hjúkrun einstaklinga með sykursýki

• Framúrskarandi samskipta- og samstarfshæfni

• Jákvætt viðhorf, fagmennska og þjónustulund

• Sjálfstæð, skipulögð og nákvæm vinnubrögð

• Góð íslenskukunnátta, bæði í ræðu og riti

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumálahæfni: íslenska 4/5

Staðsetning: Eiríksgata 5, 101 Reykjavík