Aðstoðarmaður á pípulagningaverkstæði

Tæknideild Landspítala óskar eftir öflugum og jákvæðum aðstoðarmanni til starfa á pípulagningaverkstæði spítalans. Um er að ræða fjölbreytt og spennandi starf í öflugu teymi pípara sem sinna viðhaldi og minni framkvæmdum á stærstu heilbrigðisstofnun landsins.

Á einingunni starfa um átta manns auk verktaka og nú leitum við að ábyrgum einstaklingi sem hefur áhuga á handverki, viðhaldi og skipulögðu vinnuumhverfi.

Landspítali er um 170.000 fermetrar og innviðir hans fela í sér umfangsmikil lagnakerfi og tæki sem krefjast reglubundins viðhalds. Um er að ræða 100% starf og er það laust nú þegar eða eftir samkomulagi.

• Aðstoð við pípara í daglegum verkefnum

• Vinna samkvæmt viðhaldslista á deildum spítalans

• Skráning og eftirfylgni með viðhaldi á hreinlætistækjum og hitabúnaði samkvæmt viðhaldskerfi

• Umsjón með birgðahaldi og tiltekt á lagerum

• Ýmis verkefni sem tengjast daglegum rekstri og starfsemi pípulagningaverkstæðisins

• Þekking og/ eða reynsla af sambærilegu starfi er kostur

• Góð almenn tölvukunnátta

• Góð kunnátta í íslensku, bæði í mæltu og rituðu máli

• Góð skipulagshæfni og færni í mannlegum samskiptum

• Góð öryggisvitund og vandvirkni í vinnubrögðum

• Gilt ökuskírteini er skilyrði

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Tungumálakunnátta: Íslenska 4/5, enska 3/5

Starfsmerkingar: Iðnaðarstörf, verkstæði, pípulagnir

Staðsetning: Hringbraut, 101 Reykjavík