Sjúkraliðar og sjúkraliðanemar á bráðalyflækningadeild A2 Fossvogi

Við óskum eftir öflugum og áhugasömum sjúkraliðum eða sjúkraliðanemum til starfa á bráðalyflækningadeild A2 í Fossvogi.

Deildin er 19 rúma lyflækningadeild ætluð sjúklingum með bráð og langvinn lyflæknisfræðileg vandamál sem þarfnast innlagnar á sjúkrahús og falla undir almennar lyflækningar. Hjúkrunarviðfangsefnin á deildinni eru mjög fjölbreytt.

Á deildinni starfar öflugur hópur í þverfaglegum teymum og mikil tækifæri eru til þróunar í starfi. Hópurinn er samhentur og ríkir góður starfsandi sem einkennist af vinnugleði og metnaði. Á deildinni er einnig öflug skemmtinefnd.

Við sækjumst eftir sjúkraliðum sem búa yfir þekkingu og reynslu sem og nýútskrifuðum sjúkraliðum eða sjúkraliðanemum. Við leggjum metnað í að taka vel á móti nýju samstarfsfólki og veita góða einstaklingshæfða aðlögun.

Starfið er í vaktavinnu og starfshlutfall er samkvæmt samkomulagi. Ráðið er í starfið sem fyrst eða eftir nánara samkomulagi.

Vinnuskylda starfsfólks í fullri vaktavinnu er 36 stundir á viku og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Hjúkrun einstaklinga í samvinnu við aðra fagaðila

• Þátttaka í teymisvinnu

• Íslenskt sjúkraliðaleyfi/ vottun um launað starfsnám

• Jákvætt viðhorf, frumkvæði og góðir samskiptahæfileikar

• Faglegur metnaður

• Íslenskukunnátta

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi eða vottun um launað starfsnám ef sjúkraliðanemi í starfsnámi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Sjúkraliði, sjúkraliðanemi, hjúkrun, teymisvinna

Tungumálahæfni: Íslenska 3/5

Staðsetning: Fossvogi, 108 Reykjavík