Sérfræðingur

Landsbókasafn Íslands - Háskólabókasafn leitar að öflugum einstaklingi í fjölbreytt starf á Aðfanga- og skráningarsviði í teymi skylduskila. Um er að ræða 100% starf.

Skylduskil hafa það hlutverk að safna íslenskri útgáfu, hvort sem er á prenti eða á stafrænu/rafrænu formi, t.d. hljóð- og rafbókum, tímaritum og dægurprenti. Skylduskil sjá til þess að útgáfan skili sér til Landsbókasafns Íslands - Háskólabókasafns, sé skráð í viðeigandi kerfi og varðveitt til frambúðar á safninu.

Starfið felur í sér umsýslu með skilaskyldu efni, innheimtu þess, móttöku og frágang. Að auki felur starfið í sér samskipti við útgefendur og aðra hagsmunaaðila.

• Innheimta, móttaka og frágangur skilaskylds efnis

• Skráningarvinna í bókasafnskerfinu Gegni og varðveislusafninu Rafhlöðunni

• Samskipti við útgefendur og aðra hagsmunaaðila

• Vefsöfnun

• Háskólapróf sem nýtist í starfi, t.d. í bókasafns- og upplýsingafræði

• Skipulagshæfileikar og mikil samskiptafærni

• Sjálfstæði, frumkvæði og skipulögð vinnubrögð

• Mjög góð tölvufærni

• Þekking á bókasafnskerfinu Ölmu (Gegni) og bókfræðigögnum er kostur

• Góð kunnátta í íslensku og ensku

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni viðkomandi í starfið. Umsóknarfrestur er til og með 28. október. Öllum umsóknum verður svarað þegar ákvörðun um ráðningu hefur verið tekin. Við ráðningar er tekið mið af jafnréttisáætlun safnsins. Landsbókasafn Íslands - Háskólabókasafn áskilur sér rétt til að hafna öllum umsóknum.

Landsbókasafn Íslands - Háskólabókasafn | Þjóðarbókhlöðunni | s. 525-5600 | www.landsbokasafn.is

Þekkingarveita í allra þágu