Sótthreinsitæknir eða sérhæfður starfsmaður í skol á skurðstofu Hringbraut

Við óskum eftir sótthreinsitækni eða sérhæfðum starfsmanni til starfa á skurðstofur Landspítala við Hringbraut. Vinnufyrirkomulag er dagvaktir og kvöldvaktir auk bakvakta um helgar. Starfshlutall er 80-100% og er starfið laust frá 1. október 2026 eða eftir samkomulagi.

Á skurðstofum Landspítala við Hringbraut eru 11 skurðstofur sem þjóna 7 sérgreinum og árlega eru framkvæmdar þar um 10 þúsund aðgerðir. Á deildinni starfa um 90 einstaklingar; hjúkrunarfræðingar, sjúkraliðar, sótthreinsitæknar, skrifstofufólk og sérhæft starfsfólk við fjölbreytt og krefjandi verkefni, sem unnin eru í nánu samstarfi við fagfólk í öðrum sérgreinum. Gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi á báðum starfseiningum. Í boði er einstaklings aðlöguð þjálfun eftir þörfum hvers og eins á skemmtilegum vinnustað.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Þrif og umhirða verkfæra eftir skurðaðgerðir, ýmist á hreinu eða óhreinu skoli

• Þrif á svæfingavélum og verkfærum eftir svæfingar

• Samskipti við dauðhreinsunardeild á Tunguhálsi

• Frágangur á vörum, líni og fleiri tilfallandi verkefni

• Menntun sem sótthreinsitæknir og/eða önnur menntun sem nýtist í starfi

• Góð íslenskukunnátta, bæði í mæltu og rituðu máli

• Áreiðanleiki

• Góð samskiptahæfni og hæfni í teymisvinnu

• Skipulagni og sjálfstæði í vinnubrögðum

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá auk kynningarbréfs. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sótthreinsitæknir, sérhæfður starfsmaður

Tungumálahæfni: íslenska 4/5

Staðsetning: Hringbraut, 101 Reykjavík