Sérfræðilæknir í geðlækningum í öldrunargeðteymi

Leitað er eftir sérfræðilækni í geðlækningum til starfa í öldrunargeðteymi Landspítala. Um er að ræða fjölbreytt starf í þverfaglegu teymi sem stofnað var árið 2025 til að efla og bæta geðþjónustu við aldraða.

Öldrunargeðteymið er eitt af sérhæfðum teymum á meðferðareiningu lyndisraskana innan geðþjónustu Landspítala og vinnur náið með öðrum deildum spítalans þar sem aldraðir dvelja. Meginhlutverk teymisins er að veita einstaklingsmiðaða ráðgjöf til aldraðra einstaklinga með geðraskanir og aðstandenda þeirra.

Teymið er nýtt og þar sem starf þess er enn í þróun gefst áhugasömum einstakt tækifæri til að taka þátt í mótun þjónustunnar.

Starfið eru laust frá 1. janúar 2027 eða eftir nánara samkomulagi.

• Mat og greining á bráðum og alvarlegum geðrænum vanda

• Sérhæfð ráðgjöf vegna geðþjónustu við aldraða innan og utan Landspítala

• Þátttaka í þverfaglegri teymisvinnu

• Þátttaka í kennslu og vísindastarfi, fræðslu og handleiðslu

• Þátttaka í gæða-, umbóta- og rannsóknastarfi

• Vaktþjónusta geðlækna og ráðgjöf geðlækna í geðþjónustu

• Íslenskt sérfræðileyfi í geðlækningum

• Áhugi á geðþjónustu við aldraða

• Áhugi á að veita vandaða og gagnreynda meðferð

• Áhugi á að starfa í sérhæfðri geðheilbrigðisþjónustu bráðasjúkrahúss

• Mikil hæfni í samskiptum áskilin, faglegur metnaður og sjálfstæði í vinnubrögðum

• Áhugi á þróun og sérhæfingu í starfi, sveigjanleiki til að tileinka sér nýjungar

Laun eru samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

• Fyrri störf, menntun og hæfni

• Félagsstörf og umsagnaraðila

Nauðsynleg fylgiskjöl:

• Vottað afrit af prófskírteinum og starfsleyfum

• Ferilskrá þar sem tilgreind er reynsla af kennslu, vísindavinnu og stjórnunarstörfum

• Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed

• Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sérfræðilæknir,

Tungumálahæfni: Íslenska 4/5, enska 4/5

Staðsetning: Hringbraut, 101 Reykjavík