Teymisstjóri hjúkrunar á Heimaspítala barna

Langar þig að vera hluti af nýrri og framsækinni þjónustu sem færir sérhæfða sjúkrahúsþjónustu nær börnum og fjölskyldum þeirra?

Heimaspítali barna leitar að öflugum, sjálfstæðum og lausnamiðuðum hjúkrunarfræðingi sem vill taka þátt í að móta og þróa eina af nýjustu þjónustuleiðum Barnaspítala Hringsins. Hér gefst einstakt tækifæri til að starfa í fjölbreyttu og krefjandi umhverfi þar sem fagþekking, sveigjanleiki og góð samskipti skipta sköpum.

Heimaspítali barna er hluti af dag- og göngudeild Barnaspítala Hringsins og veitir sérhæfða heilbrigðisþjónustu í heimahúsi barna sem ella þyrftu innlögn á spítala. Markmið þjónustunnar er að veita örugga, faglega og persónumiðaða umönnun í nærumhverfi barnsins þegar það á við.

Af hverju Heimaspítali barna?

Heimaspítali barna býður upp á spennandi tækifæri fyrir hjúkrunarfræðinga sem vilja vera í fararbroddi nýrrar þjónustu og hafa raunveruleg áhrif á þróun heilbrigðisþjónustu fyrir börn á Íslandi. Þjónustan sameinar sérhæfða barnahjúkrun, sjálfstæð vinnubrögð og náið samstarf við fjölskyldur og fagfólk.

Á Barnaspítala Hringsins starfar samheldið og metnaðarfullt teymi sem vinnur að því að skapa framúrskarandi þjónustu fyrir börn og fjölskyldur þeirra. Þar gefst kostur á fjölbreyttum verkefnum, faglegri þróun og þátttöku í uppbyggingu nýrrar þjónustu sem skiptir máli.

Við leggjum ríka áherslu á fagmennsku, teymisvinnu, nýsköpun og vellíðan starfsfólks. Starfshlutfall er samkomulag, en æskilegt er 70-100%. Starfið er laust frá 1. nóvember 2026 eða samkvæmt samkomulagi.

Vinnutími: Vaktir alla daga frá kl. 08:00-16:00 og 15:00-23:00.

• Veita sérhæfða hjúkrun barna í heimahúsi

• Fræða, ráðleggja og styðja börn og fjölskyldur þeirra

• Taka virkan þátt í þverfaglegri teymisvinnu með öðrum fagaðilum

• Meta þarfir sjúklinga og fylgja eftir meðferð og hjúkrun

• Taka þátt í þróun, umbótastarfi og uppbyggingu Heimaspítala barna í samstarfi við stjórnendur og starfsfólk Barnaspítala Hringsins

• Stuðla að öruggri og samfelldri þjónustu fyrir börn og fjölskyldur þeirra

• Íslenskt starfsleyfi hjúkrunarfræðings

• Að lágmarki 5 ára reynsla af hjúkrun barna

• Frumkvæði, faglegur metnaður og sjálfstæði í starfi.

• Mjög góð samskiptafærni og þjónustulund

• Hæfni til að vinna bæði sjálfstætt og í þverfaglegu teymi

• Góð íslenskukunnátta, bæði í ræðu og riti

• Gild ökuréttindi

• Hreint sakavottorð

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Ákvörðun um ráðningu byggist á innsendum gögnum og viðtölum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumálahæfni: íslenska 4/5

Staðsetning: Hringbraut, 101 Reykjavík