Hjúkrunarfræðingur - Heimaspítali barna

Vertu með frá upphafi og taktu þátt í að móta nýja þjónustu sem skiptir börn og fjölskyldur þeirra máli.

Barnaspítali Hringsins leitar að metnaðarfullum og lausnamiðuðum hjúkrunarfræðingi til að taka þátt í uppbyggingu nýs Heimaspítala barna. Um er að ræða spennandi tækifæri til að verða hluti af teymi sem vinnur að þróun nýrrar og mikilvægrar þjónustu fyrir börn og fjölskyldur þeirra. Starfið hentar hjúkrunarfræðingi sem hefur brennandi áhuga á barnahjúkrun, býr yfir sjálfstæðum vinnubrögðum og vill hafa áhrif á uppbyggingu og þróun þessarar nýju þjónustu innan Barnaspítala Hringsins.

Í Heimaspítala barna er sérhæfð spítalaþjónusta færð nær fjölskyldunum og veitt í heimahúsi. Markmiðið er að skapa börnum öruggari og betri upplifun af meðferð og draga úr þörf fyrir innlagnir þegar það er mögulegt.

Af hverju að velja Heimaspítala barna?

• Einstakt tækifæri til að taka þátt í uppbyggingu Heimaspítala barna frá upphafi

• Fjölbreytt og krefjandi starf þar sem fagmennska, sjálfstæði og frumkvæði fá að njóta sín

• Náin samvinna við börn, fjölskyldur þeirra og þverfaglegt teymi sérfræðinga

• Tækifæri til að hafa raunveruleg áhrif á þjónustu sem bætir lífsgæði barna og fjölskyldna

Heimaspítalinn hefur aðsetur á göngudeild barna 20E.

Starfið er laust frá 1. desember 2026. Um er að ræða 20-50% starfshlutfall. Unnið er á vöktum alla daga ársins kl. 08:00-16:00 og 15:00-23:00.

• Veita sérhæfða hjúkrun barna í heimahúsi

• Ráðgjöf, fræðsla og stuðningur við börn og fjölskyldur þeirra

• Virk þátttaka í þverfaglegri teymisvinnu

• Þátttaka í þróun, uppbyggingu og eflingu Heimaspítala Barna

• Taka þátt í fjölbreyttum verkefnum sem tengjast starfsemi og þróun þjónustunnar eftir þörfum

• Íslenskt starfsleyfi hjúkrunarfræðings

• Að lágmarki 5 ára reynsla af hjúkrun barna

• Búa yfir framúrskarandi samskiptafærni og jákvæðu viðhorfi

• Frumkvæði, sjálfstæði og vera lausnarmiðaður í starfi

• Gilt ökuskírteini

• Hafa áhuga á að taka þátt í breytingum, nýsköpun og þróun þjónustu

• Góð íslensku- og enskukunnátta

• Hreint sakavottorð

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá og kynningarbréf ásamt afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, heimahjúkrun

Tungumálahæfni: íslenska 4/5, enska 4/5

Staðsetning: Hringbraut, 101 Reykjavík