Móttökuritari á símavakt Sjúkrahússins á Akureyri

Óskum eftir að ráða móttökuritara á símavakt Sjúkrahússins á Akureyri. Við leitum að þjónustuliprum einstaklingi með góða samskiptahæfni sem er fljótur að læra og tileinka sér nýja hluti. Um er að ræða 87% stöðu á deild skrifstofu fjármála og er staðan laus frá 1. október nk. eða eftir nánara samkomulagi. Við tökum vel á móti nýju starfsfólki og veitum góða einstaklingshæfða aðlögun.

Næsti yfirmaður er Karen Sif Jónsdóttir, deildarstjóri skrifstofu fjármála

• Símsvörun

• Reikningagerð

• Móttaka og umsýsla á pósti

• sala á minningarkortum, ýmsum hjálpartækjum og útleigu á hjólastólum

• Önnur tilfallandi verkefni

• Góð íslensku- og enskukunnátta nauðsynleg

• Góð tölvukunnátta

• Sjálfstæði og nákvæmni í vinnubrögðum

• Hæfni í mannlegum samskiptum

• Góð þjónustulund

• Reynsla af sambærilegu starfi kostur

Laun samkvæmt gildandi kjarasamningi sem fjármála- og efnahagsráðherra og Kjölur hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.