Hveragerði- starfsmaður

Vínbúðin Hveragerði óskar eftir starfsmanni í fullt starf. Við leitum að jákvæðum, glaðlyndum og þjónustuliprum einstaklingi sem er tilbúinn að veita framúrskarandi og ábyrga þjónustu.

• Afgreiðsla og þjónusta við viðskiptavini

• Framstilling á vöru og vörumeðhöndlun

• Umhirða búðar

• Jákvæðni og góð þjónustulund

• Hæfni í mannlegum samskiptum

• Almenn tölvukunnátta

• Reynsla af verslunarstörfum er kostur

Umsækjandi skal hafa náð 20 ára aldri.

Sakavottorðs er krafist.

Öll áhugasöm eru hvött til að sækja um starfið. Laun eru samkvæmt gildandi kjarasamningi sem fjármála- og efnahagsráðherra og Sameyki hafa gert. Öllum umsóknum verður svarað þegar ákvörðun um ráðningu liggur fyrir.

ÁTVR rekur 48 Vínbúðir um allt land. Stefna ÁTVR er að vera í hópi bestu þjónustufyrirtækja landsins og fyrirmynd á sviði samfélagsábyrgðar.

Við viljum að vinnustaðurinn sé lifandi og skemmtilegur og vinnum markvisst að því að auka ánægju starfsfólks. Við leggjum áherslu á að starfsfólk fái tækifæri til að þroskast og læra nýja hluti og eflum þannig þekkingu og kraft fyrirtækisins. Við viljum að starfsfólkið njóti þess að þróa fyrirtækið þannig að það þjóni viðskiptavinum sem best.