Viltu taka þátt í að stuðla að heilbrigðri vinnustaðamenningu og vinna á skemmtilegum vinnustað

Við leitum að einstaklingi með lausnarmiðað hugarfar sem hefur gaman af samskiptum við fólk, sýnir fagmennsku í starfi og vill hafa jákvæð áhrif á öryggi og vellíðan fólks á vinnustöðum landsins.

Við bjóðum upp á vinnustað sem leggur ríka áherslu á heilbrigða vinnustaðamenningu, góð samskipti og jákvætt starfsumhverfi. Saman stuðlum við að bættri vellíðan og öryggi bæði hjá okkur og á vinnustöðum um allt land.

Um er að ræða 100% starf með starfsstöð í Reykjavík. Starfssvæðið er að mestu á því landsvæði sem starfstöðin er, en einnig geta komið til verkefni á öðrum landsvæðum. Starfið er fjölbreytt og hentar þeim sem kunna vel við að vera á ferðinni og í beinum samskiptum við fólk.

• Skipulagning og framkvæmd vettvangsathugana og stafrænna samskipta, auk eftirfylgni með fyrirmælum og skýrslugerðar.

• Leiðbeiningar til atvinnurekenda og starfsfólks um góða vinnuvernd með áherslu á forvarnir og heilbrigða vinnustaðamenningu.

• Taka þátt í fræðslu og miðlun þekkingar innan sem utan stofnunarinnar.

• Þátttaka í teymisvinnu.

• Þátttaka í umbótastarfi.

• Önnur tilfallandi verkefni.

Skilyrt

• Iðn-, tækni- eða háskólamenntun sem nýtist í starfi er skilyrði.

• Góð íslenskukunnátta er skilyrði.

• Gilt ökuskírteini er skilyrði.

• Hreint sakavottorð skilyrði.

Reynsla

• Reynsla af vinnuverndar-, gæða- eða öryggismálum er kostur.

• Reynsla af ráðgjöf, fræðslu eða þjónustu við viðskiptavini er kostur.

• Reynsla af stjórnsýslu eða opinberri þjónustu er kostur.

• Reynsla af skýrslugerð og eða framsetningu gagna er kostur.

• Reynsla af umbótastarfi er kostur.

Hæfni

• Sýnir fram á sjálfstæð og skipulögð vinnubrögð.

• Sýnir fram á nákvæmni og ábyrgð.

• Sýnir fram á góða dómgreind.

• Sýnir fram á góða samskiptahæfni.

• Sýnir fram á getu til að beita jákvæðri og lausnarmiðaðri nálgun.

• Sýnir fram á hæfni til að vinna bæði sjálfstætt og í teymi.

Ef þig langar til að hafa jákvæð áhrif á vinnustaði landsins og taka þátt í að öll komi heil heim starfsævina á enda þá hvetjum við þig til að sækja um inn á alfred.is

Við bjóðum fjölbreytt og hagnýtt starf þar sem þú ert mikið á vettvangi og engir tveir dagar eru eins. Þú færð tækifæri til að vinna með reyndu fagfólki, þróast í starfi og leggja þitt af mörkum til að stuðla að öruggum vinnustöðum um land allt.

Laun samkvæmt kjarasamningi fjármálaráðuneytis og hlutaðeigandi stéttarfélags . Við bjóðum fjölskylduvænt starfsumhverfi og leggjum áherslu á gott samstarf, fagmennsku og tækifæri til þróunar í starfi.

Umsóknarfrestur er til og með 16. október nk. Umsókn skal fylgja ferilskrá og kynningarbréf. Sýna þarf fram á staðfestingu á menntun auk þess að skila þarf inn sakarvottorði ef af ráðningu verður, eingöngu er tekið á móti umsóknum í gegnum alfred.is