Leyfisbréf kennara

Réttur til að kalla sig kennara og starfa sem slíkur hér á landi er skilgreindur í lögum um menntun, hæfni og ráðningu kennara og skólastjórnenda við leikskóla, grunnskóla og framhaldsskóla nr. 95/2019.

Leyfisbréf er staðfesting á réttindum til kennslu og til að bera starfsheitið kennari. Mennta- og barnamálaráðuneytið annast útgáfu leyfisbréfa til kennara og veitir nánari upplýsingar um þau.

Leyfisbréf aðgengileg á Mínum síðum:

• Leyfisbréf sem gefin voru út eftir 1. janúar 2020

Leyfisbréf sem eru ekki aðgengileg á Mínum síðum að svo stöddu:

• Leyfisbréf sem gefin voru út fyrir 1. janúar 2020

• Leyfisbréf sem gefin hafa verið út af mennta- og barnamálaráðuneytinu frá 1. apríl 2024

Í kjölfar gildistöku laga nr. 95/2019 er nú gefið út eitt leyfisbréf kennara þvert á skólastig leik-, grunn- og framhaldsskóla. Leyfisbréf kennara sem gefin voru út fyrir gildistöku laga nr. 95/2019 gilda einnig þvert á skólastigin jafnvel þótt tiltekið skólastig og sérhæfing komi fram í leyfisbréfinu. Eru leyfisbréf úr tíð eldri laga því ekki endurútgefin á þeim grundvelli.

Umsókn um leyfisbréf kennara

Sótt er um á eyðublaðavef Stjórnarráðsins. Nauðsynlegt er að hafa rafræn skilríki.