Gjaldþrot einstaklinga

Við úrskurð um gjaldþrotaskipti verður til sérstakur lögaðili sem kallast þrotabú.

Skiptastjóri fer með forræði þrotabúsins.

Það tekur að jafnaði nokkra mánuði að ljúka skiptum

Skiptastjóri birtir auglýsingu í Lögbirtingablaði um að bú skuldara hafi verið tekið til gjaldþrotaskipta. Auglýsingin kallast innköllun.

Með innkölluninni er kröfuhöfum veittur ákveðinn frestur til að lýsa kröfum sínum fyrir skiptastjóra. Þannig fá kröfuhafar færi á að halda uppi kröfum sínum á hendur þrotabúinu.

Skiptastjóri mun óska eftir að öllum reikningum og greiðslukortum þínum sé lokað.

Oft er hægt að stofna nýjan innlánsreikning án heimildar eða fyrirframgreitt kreditkort.

Skiptastjóri tekur ákvarðanir um hvernig eignum þrotabúsins er ráðstafað.

• Einstaklingur fær að halda eftir eignum sem ekki er gert fjárnám í sem dæmi lausafjármunum til að halda látlaust heimili, nauðsynlegum lausafjármunu vegna örorku eða heilsubrests eða munum sem notaðir eru vegna atvinnu.

• Skiptastjóri getur sagt upp samningi um leigu.

Alla jafnan tekur það nokkra mánuði fyrir skiptastjóra að ljúka skiptum.

Gjaldþrotaskiptum getur lokið með úthlutun fjármuna til kröfuhafa ef eignir eru í búinu,
eða án úthlutunar ef engar eignir eru fyrir hendi.

Skuldir sem ekki fást greiddar við skiptin falla niður þegar 2 ár eru liðin frá lokum skiptanna, nema fyrningu sé slitið.

Lesa nánar um fyrningartíma.