Gjaldþrot einstaklinga

Þegar þú hefur lagt fram kröfu um gjaldþrotaskipti hefst málsmeðferð fyrir héraðsdómi þar sem þú hefur lögheimili eða fastan dvalarstað, ef hann er annar en lögheimili.

Meðferð kröfu í héraðsdómi

Þegar krafa um gjaldþrotaskipti hefur verið lögð fram, fer héraðsdómur yfir kröfuna og fylgigögnin. Dómari getur óskað eftir frekari upplýsingum og gögnum telji hann þörf á. Ákveðinn verður tími til að taka kröfuna fyrir ef:

• krafan og fylgigögn eru fullnægjandi,

• skilyrði til gjaldþrotaskipta eru fyrir hendi og

• skiptatrygging hefur verið greidd

Boðað í þinghald

Þegar ákveðið hefur verið að taka kröfu þína um gjaldþrotaskipti fyrir ert þú boðaður til þinghalds en þá er málið tekið formlega fyrir í dómsal.

• Þú eða lögmaður með umboð verður að mæta í þinghaldið. Aðrir geta ekki mætt fyrir þína hönd.

• Ef þú eða lögmaður mætir ekki telst krafan afturkölluð.

• Úrskurður um gjaldþrotaskipti er oft kveðinn upp á staðnum og skiptastjóri skipaður á sama tíma. Skiptastjóri fær sent afrit af gjaldþrotaúrskurðinum og gögnum málsins og hefur svo samband við skuldara.

Til baka: Að krefjast gjaldþrotaskipta

Áfram: Gjaldþrotaskipti skref fyrir skref