Ráðgjöf vegna fjárhagsvanda
Á þessari síðu
Þú getur fengið ókeypis, óháða og einstaklingsbundna ráðgjöf vegna fjárhagsvanda. Ráðgjöf er alltaf veitt í trúnaði.
Fyrir alla
Allir geta lent í því að ráða ekki lengur við fjárhagslegar skuldbindingar sínar. Það er mikilvægt að þú leitir aðstoðar fyrr en seinna.
Ráðgjöf hentar ef þú:
hefur misst yfirsýn yfir fjárhagsstöðu þína
átt erfitt með að greiða af lánum og vilt vita hvernig á að bregðast við
hefur reynt að semja við kröfuhafa (fólki eða fyrirtæki sem þú skuldar pening)
sérð fram á að fjárhagsstaða þín muni versna og vilt bregðast við
Ef þú ert óviss hvort ráðgjöf gagnist þér, getur þú haft samband í síma 512 6600
Umsóknarferlið
Hjón og fólk í sambúð geta sótt um ráðgjöf saman.
Þú skráir þig inn með rafrænum skilríkjum.
Fylltu út formið eins vel og þú getur. Þú þarft ekki að fylla út alla reiti.
Þú þarft að staðfesta:
Samskiptaupplýsingar, tölvupóstfang og símanúmer
Að þú hafir kynnt þér upplýsingar um gagnaöflun
Fylgigögn
Þú þarft ekki að skila fylgigögnum með umsókn.
Í samráði við þig kallar ráðgjafi eftir nauðsynlegum gögnum og upplýsingum.
Eftir umsókn er send inn
Þú færð tölvupóst með staðfestingu og leyninúmeri.
Leyninúmerið er notað í samskiptum við Umboðsmann skuldara í síma og tölvupósti.
Þú færð símtal frá ráðgjafa þegar komið er að vinnslu umsóknar þinnar og framhaldið ákveðið.
Ráðgjafi aflar ekki upplýsinga og hefur ekki samband við kröfuhafa eða aðra án þess að hafa samband við þig.
Vinnslutími umsóknar er breytilegur.
Áfram: Lýsing á ráðgjöf
Þjónustuaðili
Umboðsmaður skuldara