Ráðgjöf vegna fjárhagsvanda

Ráðgjöf er einstaklingsbundin og getur verið allt frá að ná yfirsýn yfir peningamálin til leiðbeininga um lausnir vegna skulda eða greiðsluvanda.

Ráðgjafi er bundinn trúnaði og aðstoðar þig að þinni ósk og með þínu leyfi. Þú ert virkur þátttakandi í ferlinu.

Fyrsta samtalið

Ráðgjafi hefur samband við þig í síma.

Við munum ræða:

• aðstæður þínar, svo við skiljum vandann

• væntingar þínar til umsóknarinnar

Eftir fyrsta samtal ákveður þú í samráði við ráðgjafa hver næstu skref eru.

Ráðgjafi getur

• aðstoðað þig við að fá yfirsýn yfir fjármál

• athugað hvort það séu bætur eða réttindi sem þú getur sótt um

• hjálpað þér að semja við kröfuhafa

• sagt þér frá öðrum úrræðum sem þér standa til boða

Ráðgjafi getur ekki

• aðstoðað við að sækja um lán

• gefið leiðbeiningar um hvar skuli sækja um endurfjármögnun og með hvaða kjörum

• aðstoðað við skattframtal

• veitt lán til að greiða skuld