Þjónustuaðilar handslökkvitækja
Þú getur sótt um starfsleyfi sem þjónustuaðili handslökkvitækja hjá HMS.
Þú verður að tilgreina ábyrgðarmann starfsleyfisins.
Einnig er mögulegt að tilgreina starfsmenn sem hlotið hafa námskeiðsskírteini þjónustuaðila brunavarna.
Skilyrði
Þú verður að ljúka námskeiði um viðhald, skoðun, áfyllingu og þrýstiprófun handslökkvitækja. Námskeiðin fara fram hjá Iðunni fræðslusetri.
Eftir námskeiðið færðu skírteini sem HMS viðurkennirÞú verður að hafa starfað í 3 mánuði hjá aðila með starfsleyfi frá HMS.
Sækja um
Fylgigögn
Með umsókninni þarf að fylgja:
Námskeiðsskírteini.
Staðfesting á 3 mánaða starfsreynslu hjá aðila með starfsleyfi frá HMS.
Staðfesting á kvörðun búnaðar. Ljósmynd af límmiða á tækjum nægir.
Umsögn Vinnueftirlitsins um öryggi og aðbúnað á vinnustað.
Gæðahandbók og gæðakerfi.
Umsókn staðfest
Þú sækir um á vefnum með námskeiðsskírteini og staðfestingu á starfsreynslu.
Þú sendir tölvupóst á netfangið leyfi@hms.is með hinum fylgigögnunum.
Þú færð tölvupóst um að umsókn hafi verið staðfest.
Þú getur fylgst með stöðu umsóknar á Mínum síðum hjá HMS.
Umsókn samþykkt
Þegar HMS samþykkir umsóknina mun starfsmaður stofnunarinnar hafa samband og ákveða dagsetningu fyrir skoðun á starfsstöðinni.
Að heimsókn lokinni færðu greiðsluseðil í heimabankann.
Þegar þú hefur greitt gjaldið sendir HMS þér leyfisskírteini í bréfpósti.
HMS skráir þig á lista yfir þjónustuaðila sem hlotið hafa starfsleyfi.
Leyfið gildir í fimm ár.
Endurnýjun starfsleyfis
Þú getur endurnýjað starfsleyfið eftir fimm ár með því að hafa samband við HMS í gegnum netfangið leyfi@hms.is.
Endurveiting starfsleyfis
Ef þú vilt skipta um ábyrgðaraðila leyfisins þarftu að sækja um endurveitingu starfsleyfis. Þú hefur samband við HMS í gegnum netfangið leyfi@hms.is með fylgigögnum um nám og starfsreynslu nýja ábyrgðarmannsins.
Gjöld
Gjald fyrir nýtt starfsleyfi er 41.000 krónur.
Gjald fyrir endurnýjun eða endurveitingu starfsleyfis er 18.900 krónur.
HMS mun hafa samband ef kostnaður fellur til vegna heimsóknar starfsmanns stofnunarinnar á starfsstöð.
Þjónustuaðili
Húsnæðis- og mannvirkjastofnun