Skammtímadvalarleyfi

Skammtímadvalarleyfi eru veitt:

• Til nánustu fjölskyldumeðlima en til þeirra teljast hjúskaparmaki, foreldri, barn og systkini sem hyggjast koma í lengri heimsókn hingað til lands.

• Til listamanna, vísindamanna eða íþróttamanna, ef dvöl þeirra kallar ekki á útgáfu dvalarleyfis.

Önnur skilyrði sem þú þarft að uppfylla:

• Þú ætlar þér ekki að setjast að á Íslandi.

• Tilgangur dvalarinnar fellur ekki undir aðra tegund dvalarleyfis.

• Þú hefur ekki fengið útgefið skammtímadvalarleyfi á síðustu 12 mánuðum.

• Þú ert ekki yngri en 18 ára, nema umsókn þín sé í tengslum við umsókn foreldris eða forsjáraðila.

Með umsóknareyðublaðinu þarftu að leggja fram:

Mikilvægt er að þú kynnir þér vel ítarlegar upplýsingar um fylgigögn umsóknar um skammtímadvalarleyfi til að tryggja að þú leggir gögnin fram á því formi sem Útlendingastofnun geri kröfu um.

Best er að hlaða eyðublaðinu niður og fylla út í tölvu.

Áður en umsókn um skammtímadvalarleyfi er lögð fram er nauðsynlegt að greiða afgreiðslugjald.

• Afgreiðslugjaldið er 12.200 krónur

• Ógreidd umsókn verður endursend umsækjanda.

• Afgreiðslugjald er ekki endurgreitt þótt umsækjandi hætti við umsókn.

Umsóknir um skammtímadvalarleyfi þarf að leggja fram í frumriti á pappír.

Umsókn, greiðslukvittun og önnur fylgigögn þarf annaðhvort að senda í bréfpósti til Útlendingastofnunar eða skila í þar til gerðan póstkassa í anddyri stofnunarinnar.

Útlendingastofnun (sjá á korti)
Dalvegi 18
201 Kópavogi
Ísland

Eftir að umsókn þín hefur verið móttekin og skráð hjá Útlendingastofnun færðu sendan tölvupóst til staðfestingar.

Það er mikilvægt að sýna þolinmæði á meðan beðið er eftir svari. Ekki fást upplýsingar varðandi umsóknina í síma, tölvupósti eða netspjalli á meðan umsóknin bíður þess að verða tekin til vinnslu.

Þegar umsóknin hefur verið afgreidd hefur Útlendingastofnun samband og lætur þig vita hvaða skref þú þarft að taka næst.

Ef þú uppfyllir öll skilyrði skammtímadvalarleyfis er leyfið veitt og þú færð senda tilkynning um að umsóknin hafi verið samþykkt.

Þú getur lesið meira um næstu skref á upplýsingasíðunni: Dvalarleyfi veitt

Ef umsókn er synjað hefurðu 15 daga til að kæra ákvörðunina til kærunefndar útlendingamála.

Synjunarástæður

Umsókn um skammtímadvalarleyfi skal synjað:

• Ef ástæða dvalar umsækjanda hér á landi er þess eðlis að honum beri að sækja um dvalar- og/eða atvinnuleyfi á öðrum grundvelli.

• Ef fyrir liggja ástæður sem varða almannaöryggi eða ef stefna stjórnvalda í utanríkis- eða innflytjendamálum mælir gegn því.

• Ef líklegt er talið að umsækjandi muni ekki yfirgefa landið þegar dvalarleyfi rennur út.

• Ef umsókn uppfyllir með öðrum hætti ekki skilyrði fyrir skammtímadvalarleyfi.

• Ef umsækjandi gefur rangar upplýsingar um sakaferil.

mega ekki vera staddir á landinu þegar sótt er um dvalarleyfið og það er til vinnslu. Slíkri umsókn verður synjað nema ríkar sanngirnisástæður eigi við.

Athugaðu hvort þú þurfir vegabréfsáritun til að ferðast til Íslands

mega vera staddir á landinu þegar umsókn er lögð fram og á meðan hún er í vinnslu svo lengi sem þeir eru í lögmætri dvöl.

Lögmæt dvöl þýðir að einstaklingur sem er undanþeginn áritunarskyldu sé ekki búinn að dvelja lengur en 90 daga á Schengen-svæðinu á síðastliðnum 180 dögum. Dvöl verður ólögmæt þegar sá tími sem umsækjandi hefur til dvalar á grundvelli áritunarfrelsis er liðinn. Verði dvöl ólögmæt verður umsókn synjað nema ríkar sanngirnisástæður eigi við.

Athugaðu hvort þú þurfir vegabréfsáritun til að ferðast til Íslands