Skammtímadvalarleyfi

• Dvalarleyfi á grundvelli skammtímadvalar er að hámarki veitt til dvalar í 180 daga.

• Dvalarleyfishafa er ekki heimil dvöl hér á landi eftir gildistíma dvalarleyfisins. Útlendingi, sem er undanþeginn áritunarskyldu, er þó heimil dvöl innan Schengen-svæðisins í allt að 90 daga að loknum gildistíma leyfisins.

• Dvalarleyfið veitir ekki rétt til skráningar lögheimilis á Íslandi.

Réttur til endurnýjunar leyfis

• Dvalarleyfið er ekki hægt að endurnýja.

• Eingöngu er hægt að veita dvalarleyfið einu sinni á tólf mánaða tímabili.

Réttur til fjölskyldusameiningar

• Dvalarleyfið veitir ekki rétt til fjölskyldusameiningar.

Réttur til að vinna

• Handhafar dvalarleyfis á grundvelli skammtímadvalar hafa ekki heimild til að vinna nema í undantekningar tilfellum.

• Eftirtaldi útlendingar eru undanþegnir kröfu um atvinnuleyfi vegna vinnu í allt að 90 daga á ári hér á landi.

  • Vísinda- og fræðimenn, þar með talið doktors- og starfsnemar, í tengslum við kennslu-, fræði- eða vísindastörf hér á landi eða sambærilega starfsemi, og skal þá viðkomandi útlendingur hafa lokið háskólanámi í tengslum við það starf sem um ræðir.

  • Listamenn, að undanskildum hljóðfæraleikurum sem ráða sig til starfa á veitingahúsum.

  • Íþróttaþjálfarar.

  • Fulltrúar í viðskiptaerindum.

  • Ökumenn fólksflutningabifreiða sem skráðar eru í erlendu ríki, enda hafi þeir komið með erlenda ferðamenn í bifreiðunum til landsins.

  • Blaða- og fréttamenn erlendra fjölmiðla sem eru í þjónustu fyrirtækja sem ekki hafa starfsstöð á Íslandi.

  • Starfsmenn, ráðgjafar og leiðbeinendur sem vinna að sérhæfðri samsetningu, uppsetningu, eftirliti eða viðgerð tækja.

• Nauðsynlegt er að tilkynna um vinnu á grundvelli undanþágunnar eigi síðar en sama dag og vinnan hefst í hvert skipti. Athugið að senda þarf tilkynningu fyrir hvert tímabil sem undanþágan er nýtt.

  • Leiðbeiningar við útfyllingu rafrænar tilkynningar.

  • Ef tilkynning hefur ekki verið send telst einstaklingur ekki undanþeginn atvinnuleyfi þar sem ákvæði laga teljast ekki uppfyllt. Getur það leitt til þess að viðkomandi starfsmaður verði stöðvaður og vísað frá á landamærum.

Réttur til ótímabundins dvalarleyfis

• Dvalarleyfið getur ekki verið grundvöllur ótímabundins dvalarleyfis.