Ef fullnægjandi gögn berast ekki með umsókninni getur það leitt til þess að afgreiðsla umsóknar tefjist eða að umsókninni verði synjað. Útlendingastofnun getur óskað eftir viðbótargögnum þegar sérstakar ástæður mæla með því.
Skila þarf inn greiðslukvittun, ef greitt er fyrir umsókn með millifærslu í banka.
Á greiðslukvittun þurfa þessar upplýsingar að koma fram:
nafn greiðanda
fæðingardagur / kennitala greiðanda
viðtakandi greiðslu
skýring: nafn og fæðingardagur umsækjanda
upphæð og
dagsetning greiðslu.
Passamynd skal vera af stærðinni 35x45 mm. Myndin má ekki vera eldri en 6 mánaða þegar umsókn er lögð fram.
Senda þarf afrit af síðum með persónuupplýsingum, rithandarsýnishorni og öllum stimplum. Æskilegt er að afrit sé í lit.
Gildistími vegabréfsins skal vera minnst 90 dagar umfram fyrirhugaðan gildistíma dvalarleyfis.
Gögn sem staðfesta tilgang dvalar geta til dæmis verið:
boðsbréf frá gestgjafa,
fæðingarvottorð og/eða önnur gögn sem staðfesta fjölskyldutengsl við gestgjafa,
staðfesting á dvöl í listasetri,
eða greinargerð þar sem tilgangi dvalar hér á landi er lýst.
Umsækjandi um skammtímadvalarleyfi verður að sýna fram á að framfærsla hans sé trygg þann tíma sem hann sækir um að dveljast hér á landi.
Upphæð
Útlendingastofnun miðar við að mánaðarleg fjárráð umsækjanda séu að lágmarki:
259.951 króna
Umsækjandi má vera á framfæri hjúskaparmaka síns ef viðkomandi hefur næg fjárráð til að framfleyta þeim báðum og er búsettur hér á landi eða sækir einnig skammtímadvalarleyfi.
415.922 krónur
Gögn sem geta sýnt fram á trygga framfærslu
Bankayfirlit sem sýnir fjárhæð inneignar á bankareikningi umsækjanda. Fjárhæðin þarfa að vera í gjaldmiðli sem er alþjóðlega viðurkenndur og hægt að skipta í mynt sem er skráð hjá Seðlabanka Íslands og hægt er að taka út og nýta til framfærslu.
Yfirlitið þarf að vera:
staðfest af bankanum sjálfum og
í frumriti.
Útprentun reikningsyfirlits úr heimabanka er ekki fullnægjandi staðfesting. Upplýsingar um skráningu gjaldmiðla er að finna hjá Seðlabanka Íslands.
Ef umsækjandi er á framfæri maka, eða ólögráða umsækjandi er á framfæri foreldris, er heimilt að leggja fram staðfest bankayfirlit frá maka/foreldri.
Leggja þarf fram staðfestingu á því að þú hafir keypt sjúkra- og slysatryggingu þar sem fram kemur að tryggingin
gildi á Íslandi,
þann tíma sem þú hyggst dvelja á Íslandi,
að lágmarksupphæð 2.000.000 kr.
Á vef Fjármálaeftirlitsins má finna lista yfir íslensk tryggingafélög (undir liðnum Vátryggingafélög).
Þú þarft að legga fram farmiða fyrir heimferð eða sönnun þess að þú hafir fjárráð til að greiða fyrir heimför þegar dvöl hér á landi lýkur.
Ef ástæða þykir til getur Útlendingastofnun farið fram á að þú skilir inn sakavottorði.
Ef þú vilt að einhver annar en þú fái upplýsingar um vinnslu umsóknarinnar hjá Útlendingastofnun þarftu að skila inn umboði þess efnis.
Þjónustuaðili
Útlendingastofnun