Sjúkra- og endurhæfingargreiðslur eru fyrir fólk sem getur ekki unnið eða stundað nám vegna sjúkdóms, slyss eða áfalls.
Alltaf þarf að fylla út umsókn um sjúkra- og endurhæfingargreiðslur, hvort sem það er fyrsta umsókn eða umsókn um áframhaldandi greiðslur. Sjá nánar um umsóknarferlið og hvaða gögnum þarf að skila áður en umsókn er fyllt út.
Skilyrði
Skilyrði fyrir greiðslum sjúkra- og endurhæfingar er að heilsubrestur sé langvarandi eða alvarlegur eða að fötlun sé til staðar sem kemur í veg fyrir þátttöku á vinnumarkaði. Einnig þarf að uppfylla eftirfarandi skilyrði:
hafa átt lögheimili á Íslandi í 12 mánuði samfellt fyrir upphaf töku sjúkra- og endurhæfingargreiðslna nema milliríkjasamningar kveði á um annað,
hafa fullnýtt veikindarétt frá vinnuveitanda og greiðslur úr sjúkrasjóði stéttarfélags,
ert í viðurkenndri meðferð eða endurhæfingu í allt að 12 mánuði í senn,
bíður eftir að meðferð eða endurhæfing geti byrjað í allt að sex mánuði í senn,
getur ekki sinnt endurhæfingu sökum heilsubrests í allt að sex mánuði í senn,
ert í atvinnuleit eftir að endurhæfingu lýkur í allt að þrjá mánuði.
Heildargreiðslutímabil sjúkra- og endurhæfingargreiðslna eru 60 mánuðir en hægt er að framlengja um aðra 24 mánuði ef þú ert í viðkvæmri stöðu, með fjölþættan vanda og í þörf fyrir áframhaldandi endurhæfingu.
Umsóknarferlið og fylgigögn
Áður en sótt er um greiðslur í fyrsta sinn þarf að fara til læknis sem útbýr læknisvottorð og sendir rafrænt til TR, þar næst þarf viðurkenndur þjónustuaðili að senda TR eftirfarandi gögn:
Endurhæfingaráætlun eða staðfestingeftir því hvað á við í þínu tilfelli:
vegna viðurkenndrar meðferðar,
bið eftir að meðferð eða endurhæfing hefjist,
þegar heilsubrestur kemur í veg fyrir að meðferð eða endurhæfing geti hafist.
Eftir að gögnin liggja fyrir getur þú sótt um sjúkra- og endurhæfingargreiðslur.
Athugið að sækja þarf sérstaklega um viðbótargreiðslur eins og barnalífeyri og heimilisuppbót.
Ef þú þarft að sækja um áframhaldandi greiðslur þá þurfa eftirfarandi gögn að liggja fyrir frá viðurkenndum þjónustuaðila:
Endurhæfingaráætlun eða staðfestingeftir því hvað á við í þínu tilfelli:
vegna viðurkenndrar meðferðar,
bið eftir að meðferð eða endurhæfing hefjist,
þegar heilsubrestur kemur í veg fyrir að meðferð eða endurhæfing geti hafist.
Eftir að gögnin liggja fyrir getur þú sótt um sjúkra- og endurhæfingargreiðslur. Alltaf þarf að fylla út umsókn ef um áframhaldandi greiðslur er að ræða. Mikilvægt er að sækja um tímanlega.
Mikilvægt er að uppfæra tekjuáætlun um leið og þú sækir um ef tekjur þínar hafa breyst.
Athugið að sérfræðingar TR geta óskað eftir fleiri gögnum eftir því sem við á í hvert sinn þannig að mikilvægt er að fylgjast með bréfum á Mínum síðum þar sem óskað er eftir gögnum.
Þegar niðurstaða umsóknar liggur fyrir færðu bréf á Mínar síður.
Það er mikilvægt að fylla út umsókn á Ísland.is, hvort sem þú ert að sækja um í fyrsta sinn eða að sækja um áframhaldandi greiðslur.
Ef þú ert að sækja um sjúkra- og endurhæfingargreiðslur í fyrsta sinn þarf að liggja fyrir læknisvottorð og staðfesting eða endurhæfingaráætlun sem TR getur sótt rafrænt frá fagaðila.
Þegar læknisvottorð og staðfesting eða endurhæfingaráætlun liggur fyrir þá getur þú fyllt út umsókn á Ísland.is.
Vert er þó að nefna að það getur tekið nokkra daga fyrir fagaðila að útbúa gögnin.
Ef þú ert að sækja um áframhaldandi sjúkra- og endurhæfingargreiðslur, þá þarf að liggja fyrir staðfesting eða endurhæfingaráætlun sem TR getur sótt rafrænt.
Ef staðfesting eða endurhæfingaráætlun liggur fyrir frá fagaðila þá getur þú fyllt út umsókn um sjúkra- og endurhæfingargreiðslur á Ísland.is.
Þegar umsókn hefur verið móttekin, gætu sérfræðingar TR þurft að óska eftir frekari gögnum, t.d. staðfestingu á einingafjölda eða staðfestingu á starfshlufalli, eftir því sem við á.
Gangi þér vel!
Þú byrjar á að skrá þig inn á Ísland.is, velur mínar síður og smellir á einstaklingar
Velur umsóknir til að skoða þínar umsóknir og stöðu þeirra
Smelltu á umsóknir og þá birtast þínar umsóknir - græni kassi. Staða umsóknar - rauði kassinn. Til að skoða yfirlit umsóknar er smellt á opna umsókn - blái kassinn.
Hér er má sjá yfirlitið en ekki er hægt að breyta því.
Viðurkenndir þjónustuaðilar
Viðurkenndir þjónustuaðilar eru þeir sem veita þjónustu í tengslum við endurhæfingu eða meðferð. Heilbrigðismenntaðir fagaðilar sem starfa hjá þessum þjónustuaðilum hafa heimild samkvæmt lögum til þess að útbúa endurhæfingaráætlun eða staðfestingu eftir því sem við á.
Viðurkenndir þjónustuaðilar eru ásamt Tryggingastofnun (TR):
Félagsþjónustur sveitarfélaga
Vinnumálastofnun
Heilbrigðisstofnanir
VIRK starfsendurhæfingarsjóður
Meðferðar- eða endurhæfingaraðilar eru aðilar sem veita þjónustu í tengslum við endurhæfingu í umboði þjónustuaðila eða TR og eru eftirfarandi:
Heimilisuppbót er tekjutengd og lækkar samanlögð fjárhæð lífeyris og heimilisuppbótar ef við á um 45% af tekjum lífeyrisþega umfram frítekjumörk, uns hún fellur niður.
Barnalífeyrir
Greiðslur barnalífeyris haldast eins í nýju kerfi. Barnalífeyrir er greiddur ef foreldri eða framfærandi fær greiddan örorkulífeyri, hlutaörorkulífeyri eða sjúkra- og endurhæfingargreiðslur. Barnalífeyrir er óskattskyldur og hafa því aðrar tekjur ekki áhrif á þær greiðslur.
Sjúkra- og endurhæfingargreiðslur - algengar spurningar
