Orlofs- og desemberuppbætur - Örorkulífeyrir

Orlofs- og desemberuppbætur eru að hámarki 137.857 kr. árið 2026 til einstaklinga með örorkulífeyri. Einstaklingar með hlutaörorkulífeyri geta átt rétt á 82% af þeirri fjárhæð eða 113.043 kr.

Orlofs- og desemberuppbætur lækka um 2% af tekjum umfram almennt frítekjumark. Almennt frítekjumark örorku- og hlutaörorkulífeyris er 1.264.400 kr.

Orlofsuppbótin er 40% af fjárhæðinni sem viðkomandi á rétt á og desemberuppbótin 60%.

Orlofsuppbót er greidd 1. júlí og desemberuppbót 1. desember.

Fjárhæð orlofs- og desemberuppbóta reiknast í samræmi við réttindahlutfall og fjölda mánaða á árinu sem viðkomandi á rétt á greiðslum.

Ekki þarf að sækja um þessar uppbætur, þær eru reiknaðar sjálfkrafa hjá þeim sem eiga rétt á þeim.

Hér fyrir neðan má nálgast svör við algengum spurningum varðandi greiðslurétt orlofs- og desemberuppbóta.