Brottvísun og endurkomubann til Íslands

Þegar ákvörðun um brottvísun er endanleg þarf viðkomandi að yfirgefa landið, með eða án fylgdar, og sér stoðdeild ríkislögreglustjóra um þá framkvæmd. Kostnaður vegna þessa greiðist úr ríkissjóði en viðkomandi er krafinn um endurgreiðslu og er í skuld við ríkið þar til skuldin hefur verið greidd. Viðkomandi er þó heimilt að kaupa sér flug frá landinu sjálfur en fer slíkt fram í samráði við Ríkislögreglustjóra.