Kílómetragjald á ökutæki sem eru tímabundið á Íslandi

Greiða þarf gjald af akstri dráttarvéla sem eru tímabundið á Íslandi.

Gjaldtakan fer eftir þyngd dráttarvélar og hversu lengi hún er staðsett á landinu.

Dráttarvél undir 10 tonnum

Dvöl í 30 daga eða skemur

Þegar dráttarvél er á landinu í stuttan tíma er greitt fast gjald. Fjárhæð þess miðast við fjölda daga sem dráttarvélin er á landinu.

Gjaldskyldur aðili skal greiða gjaldið fyrir eða við komu til landsins.

Dvöl lengri en 30 dagar

Ef dráttarvél undir 10 tonnum er lengur en 30 daga á landinu skal greiða kílómetragjald við brottför frá landinu. Fjárhæð þess byggist á ekinni vegalengd og leyfðri heildarþyngd ökutækis.

Akstursgjald sem greitt var við komu til landsins kemur til frádráttar. Kílómetragjaldið getur ekki orðið lægra en fast akstursgjald miðað við dvöl í 21 dag eða lengur.

Dráttarvél 10 tonn eða þyngri

Dráttarvélar sem eru 10 tonn eða þyngri greiða almennt kílómetragjald samkvæmt aflestrum ökumælis við komu og brottför, en ekki fast gjald.

Gjald fyrir hvern ekinn kílómeter er ákvarðað miðað við skráða heildarþyngd dráttarvélarinnar, sjá gjaldtöflu hér að ofan.