Kílómetragjald á ökutæki sem eru tímabundið á Íslandi

Greiða þarf gjald af akstri ökutækja sem hafa heimild tollayfirvalda til tímabundinnar notkunar hér á landi. Gjaldið fer eftir þyngd ökutækis og lengd dvalar.

Fyrir styttri dvöl er greitt fast gjald en fyrir lengri dvöl er greitt miðað við ekna vegalengd á landinu.

Ábyrgð á greiðslu ber sá sem fær heimildina.

Skráning og greiðsla

Við komu

• Skrá þarf kílómetrastöðu ökutækis.

• Ökutæki undir 10 tonn: Greitt er fast akstursgjald miðað við áætlaða lengd dvalar. Akstursgjald er fullnaðargreiðsla fyrir ökutæki sem eru 30 daga eða skemur á landinu.

Innflytjandi sem bókað hefur flutning á ökutæki til Íslands fær sendan tölvupóst og/eða SMS frá tollgæslu með leiðbeiningum um skráningu og greiðslu gjalds.

Við brottför

• Skrá þarf kílómetrastöðu við brottför frá landinu.

• Ökutæki undir 10 tonn: Ef ökutæki hefur verið lengur en 30 daga á landinu skal greiða kílómetragjald miðað við ekna vegalengd. Akstursgjald sem hefur þegar verið greitt kemur til frádráttar.

• Ökutæki sem eru 10 tonn eða þyngri: Greiða skal kílómetragjald miðað við ekna vegalengd.

Gjald

Dvöl í 30 daga eða skemur

Greiða skal fast akstursgjald fyrir eða við komu til landsins.

Akstursgjaldið ræðst af áætlaðri lengd dvalar.

Dvöl lengur en 30 daga

Sé ökutæki lengur en 30 daga samfellt hér á landi er greitt kílómetragjald við brottför í samræmi við ekna vegalengd.

Akstursgjald sem greitt var við komu til landsins kemur til frádráttar. Kílómetragjaldið getur ekki orðið lægra en fast akstursgjald miðað við dvöl í 21 dag eða lengur.

Gjald fyrir önnur ökutæki

• Þyngri bifreiðar (3,5 - 10 tonn)

• Rútur og vörubifreiðar (yfir 10 tonn)

• Eftirvagnar

• Dráttarvélar

Ökutæki sem komu til landsins fyrir 1. janúar 2026

Erlend ökutæki sem komu tímabundið til landsins fyrir 1. janúar 2026 eru undanþegin greiðslu kílómetragjalds við brottför, að undanskyldum rafmagns-, tengiltvinn- og vetnisbílum.

Gjaldtakan nær allra ökutækja sem koma til landsins frá og með 1. janúar 2026.