Dvalarleyfi fyrir foreldri 67+

Dvalarleyfið er veitt einstaklingi sem er 67 ára eða eldri og á uppkomið barn hér á landi sem hann vill sameinast.

Umsókn

Umsóknir þarf að leggja fram í frumriti á pappír.

Þeim má skila í þar til gerðan póstkassa í anddyri Útlendingastofnunar eða með því að senda umsókn í bréfpósti. Áður en það er gert er nauðsynlegt að greiða fyrir umsókn með millifærslu í banka og þarf greiðslukvittun að fylgja umsókn til staðfestingar, sjá upplýsingar um greiðslu afgreiðslugjalds.

Útlendingastofnun (sjá á korti)
Dalvegi 18
201 Kópavogi
Ísland

Einnig er hægt að leggja inn umsókn og greiða fyrir í afgreiðslu Útlendingastofnunar eða hjá embættum sýslumanna utan höfuðborgarsvæðisins.

Kostnaður

• Afgreiðslugjald er 110.000 krónur.

• Ógreidd umsókn verður endursend umsækjanda.

• Afgreiðslugjald er ekki endurgreitt þótt umsækjandi hætti við umsókn.

Afgreiðslutími

Hægt er að fylgjast með því hvaða umsóknir hafa verið teknar til vinnslu á síðunni staða mála og afgreiðslutími dvalarleyfa.

Athugaðu hvort þú sért áritunarskyld/ur.

Lög

Dvalarleyfið er veitt á grundvelli 72. greinar laga um útlendinga.