Barnabætur

Fyrstu tvær greiðslur barnabóta hvers árs byggja á áætlun og teljast fyrirframgreiðsla.

Ef fyrirframgreiðsla barnabóta byggir á röngum forsendum getur komið í ljós að hún hafi verið of há þegar endanlegur útreikningur liggur fyrir. Ef það gerist lækka seinni greiðslur ársins og mögulega myndast skuld sem þarf að greiða til baka.

Hægt er að óska eftir leiðréttingu á fyrirframgreiðslu ef aðstæður eru aðrar en þær forsendur sem útreikningur byggir á.

Leiðréttingarbeiðni þarf að berast fyrir 28. febrúar.

Sjá nánar um forsendur og útreikning fyrirframgreiðslu.

Breytingar á högum

Algengar breytingar sem gætu haft áhrif á fjárhæð barnabóta eru meðal annars:

• Breytingar sem orðið hafa á tekjum

• Skilnaður eða samvistarslit

• Ný sambúð

• Óskráð sambúð

• Maki er búsettur og/eða starfar erlendis

Sjálfkrafa útreikningur liggur ekki fyrir

Hópur fólks fær ekki sjálfkrafa útreikning á fyrirframgreiðslu barnabóta en getur sótt um leiðréttingu á því.

Ástæða þess getur meðal annars verið:

• Skattframtali fyrra árs hefur ekki verið skilað

• Námsmenn sem búa erlendis

• Flutningur milli landa

• Óþekkt hjúskaparstaða í Þjóðskrá