Barnabætur

Foreldrar fá greiddar barnabætur á fæðingarári barnsins.

Barnabætur sem greiddar verða árið eftir fæðingu lækka um sömu upphæð (fyrstu tvær greiðslurnar).

Barnabætur á fæðingarári:

• eru greiddar út sjálfkrafa til foreldra og ekki þarf að sækja um þær

• dragast frá barnabótum ársins eftir fæðingu

• fara eftir sömu reglum um tekjuskerðingu og almennar barnabætur

• eru jafn háar hjá hjónum, fólki í sambúð og hjá einstæðum foreldrum

• skiptast jafnt á milli hjóna og fólks í sambúð, hjúskaparstaða miðast við skráningu í þjóðskrá þann ársfjórðunginn

• er ekki hægt að afþakka, jafnvel þótt fyrirséð sé að greiða þurfi þær til baka síðar

• hafa verið greiddar frá árinu 2025

Foreldrar barna sem flytja til landsins fá einnig greiddar barnabætur sjálfkrafa á flutningsári eftir sömu reglum.

Flytji barn úr landi á árinu fellur greiðslan niður þann ársfjórðung.

Greiðslur á fæðingarári

Barnabætur á fæðingarári eru greiddar allt að þrisvar sinnum yfir árið. Foreldrar barna sem fæðast snemma á árinu fá þannig fleiri greiðslur.

Greitt er:

• 1. maí fyrir börn fædd í janúar, febrúar og mars

• 1. ágúst fyrir börn fædd í júní og fyrr

• 1. nóvember fyrir börn fædd í september og fyrr

Sem dæmi fá foreldrar barns sem fæðist í febrúar alls þrjár greiðslur á árinu.

Foreldrar barna sem fædd eru eftir september fá fyrstu greiðslu barnabóta 1. febrúar á næsta ári.

Greiðslur á fæðingarári eru dregnar af fyrirframgreiddum barnabótum sem greiddar verða 1. febrúar og 1. maí árið eftir.

Heildarupphæð greiddra barnabóta á fæðingarári og fyrsta ári eftir fæðingu er óháð því hvenær á árinu barnið fæðist. Margar greiðslur á fæðingarári lækka greiðslur næsta árs til samræmis.

Ef greiddar barnabætur á fæðingarári reynast hærri en fyrirframgreiðsla barnabóta næsta árs myndast skuld sem þarf að greiða til baka við álagningu.

Útreikningur greiðslna

Greiðslur barnabóta á fæðingarári eru reiknaðar á sama grunni hjá öllum foreldrum: