Ef þú ert í reglubundnu eftirliti hjá geðlækni eða hjá geðheilsuteymi, hvort sem er innan heilsugæslu eða Landspítala, getur þú leitað til þíns meðferðaraðila ef þú veikist. Eins getur þú leitað til heilsugæslunnar.

Í bráðum veikindum sem þola ekki bið er hægt að leita á bráðamóttöku geðsviðs Landspítala, hún er opin alla virka daga frá klukkan 12 til 19 og um helgar frá klukkan 13 til 17. Utan opnunartíma bráðamóttöku geðsviðs er hægt að leita aðstoðar á bráðamóttöku í Fossvogi, hún er opin allan sólarhringinn allan ársins hring.