Vinnustaðanámssjóður

Leiðbeiningar og fylgigögn

• Stofnanir og fyrirtæki senda inn eina umsókn. Hún er tvískipt, þar sem annarsvegar eru upplýsingar um fyrirtækið/stofnunina sem sækir um og hinsvegar upplýsingar um fjölda nema og fjölda vikna í hverri námsgrein fyrir sig. 

• Styrktímabilið er frá 1. nóvember til 31. október ár hvert. 

• Fjárhæð styrkja ræðst af framlögum á fjárlögum til málaflokksins og eftirspurn.

• Veittir eru styrkir til þeirra sem uppfylla skilyrði og fer upphæð eftir eftirspurn og fjölda umsókna.

• Hámarks vikufjöldi fyrir hvern nema eru 48 vikur á ári.

• Hverjum nema skal fylgja launamiði, síðasti launaseðill ársins eða annars konar gögn sem staðfesta að umsóttar vikur hafi verið unnar á viðkomandi tímabili.

• Hverjum nema skal fylgja undirritaður vinnustaðanámssamningur sem stofnaður hefur verið í rafrænni ferilbók nemandans.

Umsóknarkerfi

• Til að nálgast umsóknarformið þarf að tengjast umsóknarkerfi Rannís - Mínar síður með rafrænum skilríkjum. Ef notandi er erlendis gæti þurft að nota auðkennisappið frekar en auðkenningu gegnum símanúmer.

• Leiðbeiningar um Mínar síður Rannís.

• Ekki er nauðsynlegt að umsækjandi sé innskráður notandi í umsóknarkerfinu en það er heppilegt ef hægt er. Einstaklingur getur verið innskráður notandi í umsóknarkerfi en tilgreint annan umsækjanda í umsókn. 

• Eftir að umsókn er send sést hún undir „Umsóknir->Innsendar” á mínum síðum þess notanda sem sendi.