Rafræn skilríki

Núna geta einstaklingar virkjað rafrænu skilríkin hvar sem er í heiminum

Auðkennisappið er auðveld, þægileg og örugg leið til að auðkenna sig á vefnum og framkvæma fullgildar rafrænar undirritanir. Appið er hægt að nota hvar sem er í heiminum, óháð símanúmeri.

Í Auðkennisappinu er hægt að virkja rafræn skilríki með sjálfskráningu - hvar sem er.


Sjálfskráningin er framkvæmd með lífkennaupplýsingum í vegabréfi og þarf viðkomandi að:

• Hafa náð 13 ára aldri. Einn forsjáraðili þarf að undirrita umsókn fyrir 13-17 ára.

• Hafa afnot að snjalltæki með NFC stuðningi.

• Eiga gilt íslenskt vegabréf.

Þú sækir Auðkennisappið í App Store eða Google Play og virkjar rafræn skilríki með lífkennum á símanum þínum eða snjalltækinu. Eftir að aðgangur hefur verið stofnaður getur þú notað Auðkennisappið til að auðkenna þig og undirrita rafæn skjöl.

Þarf ég að vera með íslenskt símanúmer?

Nei, Auðkennisappið er einungis háð tækinu sem að þú setur appið upp í en ekki SIM kortinu sjálfu. Þú þarft aðeins að vera í netsambandi til að nota appið.

Af hverju eru tvö PIN-númer í appinu?

Við skráningu ertu beðin/n um að velja tvö PIN-númer.

• PIN1 er 4-12 tölustafir og er notað til auðkenningar t.d. innskráningu í netbanka eða Ísland.is

• PIN2 er 5-12 tölustafir og er notað fyrir rafrænar undirritanir t.d. þegar tekið er lán.

Nánari upplýsingar eru á vef Auðkennis.