Starfatorg - laus störf hjá ríkinu

ÁTVR leitar að öflugum leiðtoga í starf framkvæmdastjóra reksturs og þróunar. Starfið er lykilstaða í framkvæmdastjórn ÁTVR og felur í sér víðtæka ábyrgð á fjármálum og rekstri fyrirtækisins.

Laus er til umsóknar staða sálfræðings við dag- og göngudeild geðdeildar á Sjúkrahúsinu á Akureyri (SAk). Frábært tækifæri til að taka þátt í innleiðingu og mótun umbótarvinnu á góðum vinnustað þar sem starfsumhverfið er fjölbreytt, spennandi og krefjandi.

Næringarstofa Landspítala auglýsir starf næringarfræðings. Við leitum að öflugum og metnaðarfullum næringarfræðingi til að sinna umsjón með fæðuþolsprófum og veita klíníska næringarmeðferð á göngu- og legudeildum Landspítala.

Utanríkisráðuneytið leitar að öflugum og lausnamiðuðum kerfisstjórum í fjölbreytt og áhugaverð störf á spennandi tímum í tölvudeild ráðuneytisins og CERT-IS. Um tvö mismunandi störf er að ræða sem kalla á virkt samstarf á milli CERT-IS og tölvudeildar ráðuneytisins.

Langar þig að starfa þar sem faglegar áskoranir, fjölbreytni og öflug liðsheild fara saman? Við leitum að metnaðarfullum og áhugasömum hjúkrunarfræðingum sem vilja taka þátt í spennandi og líflegu starfi á 12G Landspítala við Hringbraut.

Óskum eftir sjúkraliða í 60% starf í heimahjúkrun Akranesi. Um er að ræða morgun og kvöldvaktir og unnið þriðju hverja helgi. Boðið er upp á aðlögun með reyndu og frábæru starfsfólki. Við tökum vel á móti nýjum starfsmönnum.

Lyfjastofnun leitar að öflugum lögfræðingi til fjölbreyttra og krefjandi verkefna, með sérstaka áherslu á persónuvernd og upplýsingaöryggi.

Heilbrigðisstofnun Norðurlands (HSN) á Sauðárkróki óskar eftir starfsfólki í aðhlynningu á hjúkrunardeildir. Um er að ræða fjölbreytt og gefandi starf í lifandi starfsumhverfi þar sem áhersla er lögð á fagmennsku, öryggi, virðingu og góða þjónustu. Ráðningartími er skv.

Heilbrigðisstofnun Austurlands óskar eftir að ráða virkniþjálfa á hjúkrunarheimilið Dyngju á Egilsstöðum. Starfshlutfall er 80% og er vinnutími sveigjanlegur. Staðan er laus frá 1. desember eða eftir nánara samkomulagi.

Fjölbrautaskóli Vesturlands á Akranesi auglýsir laust til umsóknar 80% starf þroskaþjálfa. Starfið felst í að styðja við nám, þjálfun, hæfingu og þátttöku nemenda með fjölbreyttar stuðningsþarfir, meðal annars vegna líkamlegrar, andlegrar og/eða félagslegrar færniskerðingar.

Heilsugæslan Hlíðum auglýsir eftir öflugum sjúkraliða í tímabundið starf. Starfshlutfall er 80% eða samkvæmt samkomulagi. Starfið er fjölbreytt og gefandi. Æskilegt er að viðkomandi geti hafið störf sem fyrst eða eftir samkomulagi.

Laus er til umsóknar staða aðstoðarmanns á myndgreiningardeild. Um er að ræða 100% stöðu sem er laus frá og með 16. nóvember 2026. Næsti yfirmaður er Elvar Örn Birgisson, deildarstjóri myndgreiningardeildar og gefur nánari upplýsingar í síma 843-5923 og/eða í tölvupósti elvar@sak.