Umsókn um leyfi til notkunar öflugs leysis, leysibendis eða IPL-tækis og umsóknarferlið

Umsóknarferli

Innflutningsaðili, eigandi eða notandi öflugs leysis, leysibendis eða IPL-tækis sækir um leyfi til notkunar.

Til þess að fá leyfi til notkunar á öflugum leysi, leysibendi eða IPL-tæki þarf meðal annars að:

• tilnefna leyfishafa sem hefur fullnægjandi þekkingu á búnaðnum og nauðsynlegum öryggisráðstöfunum,

• greiða umsóknargjald inn á bankareikning Geislavörnum ríkisins

Ef um er að ræða notkun öflugra leysa á leysisýningum fyrir almenning þarf að:

• sýna fram á að tilnefndur leyfishafi hafi fullnægjandi þekkingu á búnaðnum og nauðsynlegum öryggisráðstöfunum, t.d. með því að hafa lokið námskeiði um örugga notkun leysa (e. laser safety officer course) á viðburðum.

• ef leyfishafi hefur ekki lokið við námskeið um örugga notkun leysa á leysisýningum þarf að sýna fram á fullnægjandi þekkingu með öðrum hætti. Þá þarf einnig að fara fram úttekt á aðstæðum. Fyrir úttekt á aðstæðum er greitt tímagjald samkvæmt gjaldskrá Geislavarna ríkisins, sbr. liður h. í 8. gr. reglugerðar nr. 171/2021.

Umsókn

Til þess að fylla út umsókn þarft þú að hafa tiltækar upplýsingar um:

• nafn, kennitölu, heimilisfang og netfang eiganda

• umsækjanda ef annar en eigandi,

• leysinn eða IPL-tækið, þ.e. gerð og tegund, lit, afl og flokkun,

• nákvæma lýsingu á væntanlegri notkun,

• afhverju leysir af flokki 2 gæti ekki verið notaður í staðinn,

• þann búnaði sem notaður er til að stýra, dreifa og með öðrum hætti hefur áhrif á geislann,

• leyfishafa á notkuninni: nafn, kennitala, símanúmer og netfang

• þekkingu leyfishafa á leysum og nauðsynlegum öryggisráðstöfunum við notkun þeirra

Fylgigögn

Þegar við á þarf að senda inn

• Skriflegar öryggisreglur

• Teikningar af svæðinu þar sem notkunin fer fram þar sem staðsetning leysis og allra hluta sem geta haft áhrif á stefnu geislan

Vinnslutími umsóknar

Vænta má þess að leyfi sé gefið út innan tveggja vikna frá því að öll nauðsynleg gögn hafa borist stofnuninni.

Oft þarf að kalla eftir viðbótargögnum og er það gert með tölvupósti til þess sem sendir umsókn.

Stofnunin ábyrgist ekki afgreiðslu umsókna sem berast innan tveggja sólarhringa frá viðburði sem sótt er um leyfi fyrir, sérstaklega ef gögn með leyfisumsókn eru ófullnægjandi.