Að semja um skuld við kröfuhafa

Listaðu upp allar skuldir og hverjum þú skuldar. Fólkið sem þú skuldar peninga eru kröfuhafar þínir.

Raðaðu skuldum eftir mikilvægi

Í forgangi ætti að vera að greiða af skuldum tengdum heimilinu eins og:

• afborganir húsnæðislána

• húsaleigu

• fasteignagjöld (njóta lögveðsréttar í fasteign)

• hússjóðsgjöld (njóta lögveðsréttar í fasteign)

• brunatryggingariðgjöld (njóta lögveðsréttar í fasteign)

• orkureikninga

Vakin skal athygli á að kröfuhafi sem á lögveðsrétt í fasteign getur farið fram á nauðungarsölu á henni vegna skuldar.

Öðrum skuldum má forgangsraða sem dæmi með því að greiða:

• elstu kröfurnar

• inn á kröfur sem bera hæstu vexti eða kostnað

• kröfur sem búið er að leggja á dráttarvexti

• kröfur sem eru komnar í löginnheimtu