Atvinnurekandi þarf að tryggja að starfsfólk sem stjórnar réttindaskyldum vinnuvélum á Íslandi hafi til þess fullgild réttindi.

Starfsfólk getur annað hvort aflað sér vinnuvélaréttinda á Íslandi eða sótt um að fá erlend réttindi metin. Atvinnurekendur geta sótt um mat á erlendum réttindum fyrir starfsfólk.

Þeir einir mega stjórna vinnuvélum á Íslandi sem hafa öðlast fullgild réttindi.

Námskeið og próf

Til að fá vinnuvélaréttindi þarf að:

• Hafa náð 17 ára aldri.

• Hafa gilt ökuskírteini til að aka bifreið.

• Hafa lokið tilskyldu námi og þjálfun.

• Standast verklegt próf á vegum Vinnueftirlitsins.

Sérstök réttindi þarf til að stjórna ákveðnum tegundum vinnuvéla. Skoðaðu hvaða réttindaflokk þarf áður en starfsmaður hefur störf.

Nánar um vinnuvélaréttindi, réttindaflokka og nám.

Fá erlend vinnuvélaréttindi metin á Íslandi

• Starfsmaður með vinnuvélaréttindi frá öðru EES-ríki þarf að sækja um að réttindin verði viðurkennd á Íslandi. Erlend vinnuvélaréttindi teljast ekki gild hér á landi án slíkrar viðurkenningar og þarf annars að afla íslenskra vinnuvélaréttinda.

• Vinnuveitandi getur sótt um mat á erlendum réttindum fyrir hönd starfsmannsins.

• Þetta er í samræmi við lög um viðurkenningu á faglegri menntun og hæfi til starfa hér á landi.

Nánar um mat á erlendum vinnuvélaréttindum og umsóknarferlið.